Ndari 16:13 - ÎVUKU RÎA ÛVORO MWARO

¹³ Ûguo wekire nî mwîganu! Watûrutire Misiri vûrûri warî na îriia na ûûkî, na ûgîtûrete gûkû werûrî nîguo ûtûragîre kuo? Wana rîu ûrenda gûtwatha?

Ndari 16:13 ပူးပေါင်းရင်းမြစ်များ

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Ntha 16:3

na makîmeera atîrî, “Nî kava Ngai-Mûnene angîatûûragîre Misiri, nîûndû kûu nîtwekaraga nthî tûkarîa nyama na irio cionthe irîa twendaga. Nwatî mwatûretire gûkû werûrî nîguo tuonthe tûkuîre kuo nî yûra.”

Ntha 17:3

Nwatî andû maarî anyondu mûno, na nîmaathiîre na mbere gûteta makîûragia Musa atîrî, “Nîndûî gîatûmire ûtûruta Misiri? Wendaga tûke ûtûragîre gûkû werûrî na nyonda tûrî vamwe na ciana cietû na ng'ombe cietû?”

Ntha 2:14

Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.”

Ntha 2:23

Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na

Ezek 34:18

Amwe enyu marîcaga nyaki îrîa mbaro na magakinyanga îrîa matakwenda. Manyunyaga manjî marîa maro na marîa matigara makaunjuga na magûrû!

Ndari 11:20

nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 11:4

Kwarî na andû ageni mathiîcanîtie na andû a Isiraeli. Andû acio maarî na ngumba ya nyama mûno. Kwoguo nîmaatûmire andû a Isiraeli mambîrîria kûrîra makiugaga atîrî, “Narî kethîrwa tûrî na nyama cia kûrîa!

Ndari 11:5

Tûrî Misiri twarîcaga nthamaki tûtakûrîva, marenge ma mîthemba yonthe, itûngûrû cia mîthemba yonthe.

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Ndari 14:2

Nîmaatetirie Musa na Aroni makiugaga atîrî, “Wana kava tûngîakuîrîre Misiri kana tûkuîre gûkû werûrî!

Ndari 14:3

Ngai-Mûnene aratûvira vûrûrirî ûcio nîkî? Tûkaaûragîrwa mbaararî na aka etû na ciana itavwe. Tî kava tûcoke Misiri?”

Ndari 16:12

Musa nîwatûmanîre Dathani na Abiramu avîcî a Eliabu metwe. Nwatî nîmaaugire atîrî, “Tîtûka!

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

Ciîko 7:35

“Musa ûcio nwake waregirwe nî andû a Isiraeli rîrîa maamûûririe atîrî, ‘Nû ûgûtuire mûnene wetû na mûtûtuîri ciira?’ Ke nwake watûmirwe nî Ngai arî mûnene na mûkûri wao na njîra ya mûraika ûrîa wamumîrîre kîvîngarî kîrîa gîaakanaga mwaki.