Ndari 15:9 - ÎVUKU RÎA ÛVORO MWARO

⁹ îkaarutanagîrua na kilo îthatû cia mûtu mûvinyu ûtukanîtue na lita igîrî cia maguta ma ndamaiyû,

Ndari 15:9 ပူးပေါင်းရင်းမြစ်များ

1Maû 21:23

Orinani nîwacokire akîra Daudi atîrî, “Oca îtîri rîu na mwathi wakwa mûthamaki eke ûrîa ekwona kwagîrîrîte. Nîngûvecana ndegwa nîûndû wa matega ma kûvîvua na mbaû cia îtîri ituîke ngû. Wana nîngûvecana ngano nîûndû wa matega ma irio. Nîngûkûva cionthe.”

Nehemia 10:33

Tûkaarutaga mîgate îrîa mîamûre, matega ma irio cia mûgûndarî ma wa mûthenya na matega ma kûvîvua, matega ma thavatû, kîrugo Kîam mweri wacicûka, na irugo irîa ciîngî, indo irîa ntheru, matega ma kûtheria mevia ma andû a Isiraeli, na ma wîra wonthe wa hekarû.

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Ezek 46:11

Mîthenya ya kîrugo na mîthenya ya ciathî irîa nyamûre, matega ma irio cia mûgûnda makarutagwa Efa îmwe ya mûtu varî wa ndegwa na Efa îmwe varî wa ndûrûme. Na varî tûtûrûme ûrîa ûkûruta akaarutanagîria na wa kîrîa angîvota. Na wa Efa ya mûtu îkaarutanagîrua na lita ithatû cia maguta.

Ezek 46:15

Gatûrûme, mûtu na maguta ma ndamaiyû nîitûûra irutagîrwa Ngai-Mûnene kîraûko wa kîraûko nginya tene na tene.”

Ezek 46:5

Varî ndûrûme îo îmwe akaaruta îtega rîa mûtu wa Efa îmwe, nwatî varî wa gatûrûme nîakaaruta îtega wa rîrîa angîvota. Na kûrî Efa îmwe ya mûtu nîakaaruta lita îthatû cia maguta.

Ezek 46:7

Nîûndû wa îtega rîa irio cia mûgûnda wa varî ndegwa akaarutaga Efa îmwe ya mûtu na Efa îmwe ya mûtu varî wa ndûrûme. Na varî tûtûrûme akaarutaga kûringana na ûrîa angîvota. Kûrî îtega rîa irio cia mûgûnda akaarutaga lita ithatû cia maguta kûrî wa Efa îmwe ya mûtu.

Joeli 1:9

Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Alawi 14:10

“Mûthenya wa kanana nîakaaruta tûtûrûme twîrî na kamwatî, irî na ûkûrû wa mwaka ûmwe na itarî na wonje, kilo ithatû cia mûtu mûvinyu ûtukanîtue na maguta ma ndamaiyû, na mililita magana mathatû ma mîrongo îthatû (330 ml) cia maguta ma ndamaiyû.

Alawi 6:14

“Mama nîmo mawatho megiî matega ma irio cia mûgûnda. Ûmwe wa athînjîri-Ngai a mbarî ya Aroni nîakaarutîra Ngai-Mûnene matega ma irio cia mûgûnda vau mbere ya metha ya kîgongoona.

Alawi 7:37

Mau nîmo mawatho megiî matega ma kûvîvua, matega ma irio cia mûgûnda, matega ma kûtheria mevia, matega ma kûthiria wîvia, matega ma kwamûrwa kwa andû, na matega ma ngwatanîro.

Ndari 15:10

vamwe na lita igîrî cia ndivei irî îtega rîa indo cia kûnyuwa. Mûtararûko wa îgongoona rîîrî nî ûngenagia.

Ndari 15:8

Rîrîa ndegwa îkûrutwa îrî îtega rîa kûvîvua kana îtega rîa kûvingia mwîvîtwa, kana îgongoona rîa kûvingia mwîvîtwa, kana îtega rîa thayû,

Ndari 28:12

Wa ndegwa îkaarutanagîrua na kilo ithatû cia mûtu ûtukanîtue na maguta ma ndamaiyû, na wa ndûrûme îkaarutanagîrua na kilo igîrî cia mûtu ûtukanîtue na maguta ma ndamaiyû,

Ndari 28:14

Mwîgana wa ndivei îrîa yendekanaga nîûndû wa îtega nî lita igîrî kûrî wa ndegwa îmwe, lita îmwe na nuthu kûrî wa gatûrûme, na lita îmwe kûrî wa ndûrûme. Ûyû nîguo watho wa kûrûmagîrîrwa wa mûthenya wa mbere wa kwambîrîria mweri, mwaka mûgima.

Ndari 29:6

Mûkaarutaga indo ino vamwe na irîa irutagwa irî matega ma kûvîvua ma mûthenya wa mbere wa mweri, matega ma kûvîvua ma wa mûthenya wa mûthenya marî vamwe na matega ma cio ma irio cia mûgûnda, na îtega rîa cio rîa indo cia kûnyuwa. Matega mama marî mûtararûko mwaro ûkenagia Ngai-Mûnene.

1Sam 1:24

Na vîndî îrîa Hana aatigithirie mwana kwonga, nîwocire Samueli, akiunûkia nake na akîmûvira nyombarî ya Ngai-Mûnene kûu Shilo. Hana akîvira Samueli nîwathiîre na ndegwa yarî na ûkûrû wa mîaka îthatû, ndeve îmwe ya mûtu, na mbooro îcûrîte ndivei.