Îgûrû rîa matega meengî ma kûvîvua, kwarî na mathunya ma matega ma thayû na ndivei îrîa yarutanagîrua na matega ma kûvîvua. Kwoguo ûtungata hekarûrî nîwambîrîrie rîngî.
“Mbeca icio ûgaaitûmîra waro kûgûra ndegwa, ng'ondu na tûtûrûme, irio na ndivei. Indo icio ûkaairuta irî matega metharî ya Ngai-Mûnene ya kîgongoona hekarûrî ya Jerusalemu.
Rutaga ndûrûme ya mbere vamwe na kilo îmwe ya mûtu ûrîa mûvinyu wa ngano ûtukanîtue na lita îmwe ya maguta maro ma ndamaiyû, na lita îmwe ya ndivei ya gwîtûrûrwa.
Mûgaakarutanîria vamwe na kilo igîrî cia mûtu ûtukanîtue na maguta ma ndamaiyû rîrî îtega rîa kûvîvua. Mûtararûko wa îtega rîu nîûkenagia Ngai-Mûnene. Mûkaaruta îtega rîu vamwe na îtega rîa lita îmwe ya ndivei.
Mwîgana wa ndivei îrîa yendekanaga nîûndû wa îtega nî lita igîrî kûrî wa ndegwa îmwe, lita îmwe na nuthu kûrî wa gatûrûme, na lita îmwe kûrî wa ndûrûme. Ûyû nîguo watho wa kûrûmagîrîrwa wa mûthenya wa mbere wa kwambîrîria mweri, mwaka mûgima.
Wa gatûrûme ga îtega rîa kûvîvua rîkaarutanagîrua na lita îmwe ya îtega rîarîo rîa indo cia kûnyuwa. Îtega rîu rîa ndivei rîgetûrûragwa metharî ya kîgongoona ya Ngai-Mûnene.
Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.