Ndari 15:39 - ÎVUKU RÎA ÛVORO MWARO

³⁹ Mûkethagîrwa mûrî na igaaci icio nîguo mwairoria mûkaririkana maathani monthe makwa na mûkamavingia. Kwoguo mûtikaandiganîria nîguo mûrûmîrîre wendi wa ngoro cienyu na meciria menyu.

Ndari 15:39 ပူးပေါင်းရင်းမြစ်များ

1Atha 12:33

Naguo mûthenya wa îkûmi na îtano mwerirî wa kanana, ûrîa aatuîte ke mwene, nîwathiîre Betheli kûrîa aatumîte metha ya kîgongoona na akîvîvîria ûbani kuo, agîcoka agîtua Aisiraeli makûngûagîre mûthenya ûcio.

Ayubu 31:7

Ethîrwa nînyumîte njîrarî îrîa ya ma, na ngoro yakwa îkerirîria maûndû marîa monaga, na ethîrwa njara ciakwa irî na gîko nîûndû wa mevia;

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Nthi 28:26

Mûndû ûrîa wîvokaga meciria make ke mwene nî mûritu, nwatî ûrîa ûrûmagîrîra ûûgî nîavonokaga thînarî.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

Gûco 4:23

Menyererani mûno mûtikariganîrwe nî kîrîkanîro kîrîa mwarîkanîre na Ngai-Mûnene, Ngai wenyu. Mûtikerûthîre mûvuanano wa wonthe wa indo irîa Ngai-Mûnene, Ngai wenyu aamûkaanirie.

Gûco 6:12

mûkeemenyerera nîguo mûtikariganîrwe nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.