Ndari 15:35 - ÎVUKU RÎA ÛVORO MWARO

³⁵ Ngai-Mûnene nîwacokire akîra Musa atîrî, “Mûndû ûcio nwanginya aûragwe; andû onthe a Isiraeli nîmamûrage na mathiga arî nja ya kûrîa maatûûraga.”

Ndari 15:35 ပူးပေါင်းရင်းမြစ်များ

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

Alawi 20:2

“Îra andû a Isiraeli, atî mûndû wa wonthe wa Isiraeli kana mûgeni wa wonthe mûtûûranagia nake angîkaavecana wanarî ûmwe wa ciana ciake kûrî Moleku, ngai ya mûvuanano, nîakaaûragwa na mathiga nî andû onthe.

Alawi 20:27

“Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 24:23

Rîrîa Musa aarîkirie kwîra andû a Isiraeli ûguo, nîmaavirire mwanake ûcio warumîte Ngai na kûu nja ya kûrîa maambîte magema na makîmûûraga na mathiga. Ûguo nîguo andû a Isiraeli meekire wata ûrîa Ngai-Mûnene aathîte Musa.

Ndari 15:36

Kwoguo andû onthe a Isiraeli nî maarutire mûndû ûcio nja ya kûrîa maatûûraga na makîmûraga na mathiga wata ûrîa Ngai-Mûnene aathîte Musa.

Luka 4:29

Nao nîmaaûkîrire na makîmûrutûrûra makîmûvira kîrîmarî îgûrû, varîa îtûûra rîu rîao rîatumîtwe. Andû acio meendaga kûmûvarûkia kuuma kîrîmarî îgûrû,

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.