Ndari 14:35 - ÎVUKU RÎA ÛVORO MWARO

³⁵ Nie, Ngai-Mûnene nauga nama, atî ûguo nîguo ngaamwîka mue andû aya aganu mûnganîte vamwe nîguo mûregane nanie. Mue muonthe mûgaakuîra gûkû werûrî.”

Ndari 14:35 ပူးပေါင်းရင်းမြစ်များ

Thaburi 78:33

Kwoguo Ngai nîwatûmire mîthenya yao îthira ta mûvevû, na ûtûûro wao ûkîthira wa rîmwe mûthiro.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Ezek 20:36

Ngai-Mûnene augîte atî wata ûrîa aatuîrîre methe menyu marî werûrî wa Sinai nwaguo wana mue akaamûtuîrîra.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Ndari 26:65

Ngai-Mûnene aarî mugu atî onthe magaakuîra werûrî. Gûtirî mûndû wanarî ûmwe gatagatîrî kao watigarire tiga Kalebu mûvîcî wa Jefune na Joshua mûvîcî wa Nuni.

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

1Akor 10:5

Nwatî wana vuva wa ûguo eengî gatagatîrî kao matiakenia Ngai na kwoguo nîmaakuîrîre werûrî.

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.