Ndari 14:34 - ÎVUKU RÎA ÛVORO MWARO

³⁴ Mûgaatûûra mûnyamaraga mûrî werûrî îvinda rîa mîaka mîrongo îna (40). Mwaka ûmwe ûkaarûngamagîrîra mûthenya ûmwe wa mîthenya îrîa mwaûrûraga mûrî werûrî nîguo mûmenye nînaarakarire!

Ndari 14:34 ပူးပေါင်းရင်းမြစ်များ

1Atha 8:56

“Ngai-Mûnene arokumua, ûcio ûveete andû ake a Isiraeli thayû wata ûrîa aameerîre. Nîavingîtie ciîranîro ciake cionthe mbaro irîa eeranîre na njîra ya ndungata yake Musa.

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Thaburi 105:42

Nîwaririkanire kîrîkanîro gîake kîtheru, kîrîa eerîre ndungata yake Iburahimu.

Thaburi 38:4

Mevia makwa nî meengî mûno, manditûvîrîte ta mûrigo na ndingîvota kûmakuua.

Thaburi 77:8

Nîkwa wendo wake ûrîa ûtathiraga ûrî mûthiru? Anga ndakaavingia ciîranîro ciake?

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Ezek 14:10

Mûrathi ûcio wa vamwe na mûndû ûcio ûrathiîte kûria ûtaaro kûrî mûrathi, onthe ngaamaverithia ûndû ûmwe.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Ezek 4:5

Nîngûtuîrîrîte gûkûverithia îvinda rîa mîthenya magana mathatû ma mîrongo kenda (390) nîûndû wa waganu wa andû a Isiraeli. Mûthenya ûmwe nî ûndû ûmwe na mwaka ûmwe ûrîa ngamaverithia.

Ezek 4:6

Warîkia kûthiria mîthenya îo, nîûkaamama na mwena wa ûrîo nîguo ûverithue nîûndû wa mevia ma andû a Juda îvinda rîa mîthenya mîrongo îna (40). Ngûtuîrîrîte mûthenya ûmwe ûrûngamagîrîre mwaka ûmwe.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Alawi 20:19

Mûndûmûrûme angîkaamenyana kîîmwîrî na tatawe, kûu nî gûconorithia mûndû wa nthakame yake. Andû acio wa oîrî nîmakaaverithua nîûndû wa mevia mao o ene.

Zakaria 11:10

Nînoocire mûragi ûrîa naatuîrîrîte rîîtwa Ûtugi na ngîunanga maita maîrî nîguo ntharûrie kîrîkanîro kîrîa naarîkanîrîte na andû onthe.

Ndari 13:25

Vuva wa mîthenya mîrongo îna athigani nîmaacokire kûrîa maambîte magema.

Ndari 18:23

Nwatî Alawi onga nîo magaatungataga îgemarî rîa Ngai-Mûnene na marîmenyagîrîre. Watho ûyû nîwagûtûûra ûrûmagîrîrwa nî njiarwa cionthe ciaku. Alawi matikagaa kîndû vûrûri wa Isiraeli,

Ndari 32:13

Ngai-Mûnene nîwarakarirue mûno nî andû a Isiraeli na agîtûma maûrûre werûrî îvinda rîa mîaka mîrongo îna (40) nginya rîrîa rûciaro rûu ruonthe rwekîte maûndû macûku mbere ya Ngai-Mûnene rwakwire.

Ciîko 13:18

na kwa îvinda rîa mîaka mîrongo îna akîmamenyerera werûrî.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Ahib 4:1

Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Josh 14:10

Nwatî rîu taroria, mîaka mîrongo îna na îtano nîmîthiru kuuma rîrîa Ngai-Mûnene eerire Musa ûguo vîndî îrîa andû a Isiraeli maavîtûkîrîrîte werûrî. Rîu nîrî na ûkûrû wa mîaka mîrongo înana na îtano na Ngai-Mûnene nîambigîte mwoyo nginya ûmûnthî.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.