Ndari 14:33 - ÎVUKU RÎA ÛVORO MWARO

³³ Ciana cienyu igaatûûra ciûrûraga werûrî îvinda rîa mîaka mîrongo îna (40). Igaatûûra inyamaraga îvinda rîu rîonthe nîûndû wa ûremi wenyu, nginya rîrîa muonthe mûgaakuîra werûrî.

Ndari 14:33 ပူးပေါင်းရင်းမြစ်များ

Thaburi 107:4

Amwe maaûrûraga werûrî ûtaarî kîndû, na mationa njîra îngîmavira îtûûrarî mangîtûûra.

Thaburi 107:40

nîwanyararire atongoria arîa maamavinyagîrîria, na agîtûma maûrûre werûrî kûndû gûtarî njîra.

Thaburi 78:33

Kwoguo Ngai nîwatûmire mîthenya yao îthira ta mûvevû, na ûtûûro wao ûkîthira wa rîmwe mûthiro.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Ndari 32:13

Ngai-Mûnene nîwarakarirue mûno nî andû a Isiraeli na agîtûma maûrûre werûrî îvinda rîa mîaka mîrongo îna (40) nginya rîrîa rûciaro rûu ruonthe rwekîte maûndû macûku mbere ya Ngai-Mûnene rwakwire.

Ndari 33:38

Aroni, mûthînjîri-Ngai nîwathîkîre Ngai-Mûnene na agîtwa kîrîmarî Kîam Hori. Arî kûu, mûthenya wa mbere wa mweri wa gatano, mwaka wa mîrongo îna vuva wa andû a Isiraeli kuuma Misiri, nîwakwire.

Ndari 5:31

Mûthuuri ndakeethagîrwa arî na mavîtia, nwatî mûka nîke ûkaaverithagua nîndû wa mavîtia make.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 2:14

Kuuma twauma Kadeshi-barinea nginya rîrîa twaringire karûnjî ka Zeredi, twathirîtie mîaka mîrongo îthatû na înana (38). Kavinda kau, rûciaro rwa andû arîa maarî na ûkûrû wa kûthiî mbaararî nîrwathirîte wata ûrîa Ngai-Mûnene eevîtîte.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Gûco 29:5

Nie namûtongoririe werûrî îvinda rîa mîaka mîrongo îna, na mûtianathirîrwa nî nguo kana iratû.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 8:4

Mîaka îo yonthe mîrongo îna mûtîatuîkîrwa nî nguo kana mwimba magûrû.

Josh 14:10

Nwatî rîu taroria, mîaka mîrongo îna na îtano nîmîthiru kuuma rîrîa Ngai-Mûnene eerire Musa ûguo vîndî îrîa andû a Isiraeli maavîtûkîrîrîte werûrî. Rîu nîrî na ûkûrû wa mîaka mîrongo înana na îtano na Ngai-Mûnene nîambigîte mwoyo nginya ûmûnthî.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.