Ndari 14:29 - ÎVUKU RÎA ÛVORO MWARO

²⁹ Nîmûgaakua na ciimba cienyu inyagarûke gûkû werûrî. Gûtirî mûndû wanarî ûmwe gatagatîrî ka acio maatarîtwe na warî na ûkûrû wa mîaka mîrongo îîrî na makîria, ûgaatonya vûrûri wa kîîranîro, nîûndû nîmaandetirie.

Ndari 14:29 ပူးပေါင်းရင်းမြစ်များ

Thaburi 106:26

Kwoguo Ngai-Mûnene nîwevîtire na ma, akiuga atî nîagaatûma makuîre werûrî.

Thaburi 78:33

Kwoguo Ngai nîwatûmire mîthenya yao îthira ta mûvevû, na ûtûûro wao ûkîthira wa rîmwe mûthiro.

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Ndari 1:45

Kwoguo arûme onthe a Isiraeli arîa maarî na ûkûrû wa mîaka mîrongo îîrî kûthiî na mbere na mangîatuîkire athigari a mbaara,

Ndari 1:46

maarî ngiri magana matandatû ma ithatû na magana matano ma mîrongo îtano (603,550).

Ndari 26:64

Gûtirî mûndû wanarî ûmwe watigirwe gatagatîrî ka arîa maatarîrîtwe werûrî wa Sinai riita rîa mbere nî Musa na Aroni, mûthînjîri-Ngai.

Ndari 26:65

Ngai-Mûnene aarî mugu atî onthe magaakuîra werûrî. Gûtirî mûndû wanarî ûmwe gatagatîrî kao watigarire tiga Kalebu mûvîcî wa Jefune na Joshua mûvîcî wa Nuni.

1Akor 10:5

Nwatî wana vuva wa ûguo eengî gatagatîrî kao matiakenia Ngai na kwoguo nîmaakuîrîre werûrî.

Gûco 2:14

Kuuma twauma Kadeshi-barinea nginya rîrîa twaringire karûnjî ka Zeredi, twathirîtie mîaka mîrongo îthatû na înana (38). Kavinda kau, rûciaro rwa andû arîa maarî na ûkûrû wa kûthiî mbaararî nîrwathirîte wata ûrîa Ngai-Mûnene eevîtîte.

Ahib 3:17

Nî andû arîkû maarakaririe Ngai kavinda ka mîaka mîrongo îna? Kinthî tî andû arîa meevirie na magîkuîra kûu werûrî?

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.