Ndari 14:23 - ÎVUKU RÎA ÛVORO MWARO

²³ Matigaatonya vûrûrirî ûrîa nerîre methe mao ma tene. Gûtirî wanarî mûndû ûmwe wa acio maareganire nanie ûgaatonya vûrûrirî ûcio.

Ndari 14:23 ပူးပေါင်းရင်းမြစ်များ

Nehemia 9:23

We nîwatûmire njiarwa ciao ciongerereke wata njata cia îgûrû. Nîwamavere vûrûrirî ûrîa werîrîte methe mao ma tene atî magaûtonya mawîgwatîre ûtuîke wao.

Thaburi 106:26

Kwoguo Ngai-Mûnene nîwevîtire na ma, akiuga atî nîagaatûma makuîre werûrî.

Thaburi 95:11

Kwoguo nînaarakarire na ngîîvîta ngiuga, matigaatonya kîvurûkorî gwakwa.”

Jeremia 18:10

nwatî vûrûri kana ûthamaki ûcio ûgarûrûke na wambîrîrie gwîka maûndû macûku mbere yakwa, nîngericûkwa ndige kûwîka maûndû maro marîa navangîte gûwîka.

Ezek 20:15

Marî werûrî nînevîtire kûrî o ngiuga ndikaamavira vûrûrirî ûrîa naamaveete wîcûrîte îriia na ûûkî na mwaro gûkîra mavûrûri monthe,

Ndari 26:64

Gûtirî mûndû wanarî ûmwe watigirwe gatagatîrî ka arîa maatarîrîtwe werûrî wa Sinai riita rîa mbere nî Musa na Aroni, mûthînjîri-Ngai.

Ndari 26:65

Ngai-Mûnene aarî mugu atî onthe magaakuîra werûrî. Gûtirî mûndû wanarî ûmwe gatagatîrî kao watigarire tiga Kalebu mûvîcî wa Jefune na Joshua mûvîcî wa Nuni.

Ndari 32:11

‘Nama gûtirî wanarî mûndû ûmwe wa arîa maaumire Misiri ûrî na ûkûrû wa mîaka mîrongo îîrî kûthiî na îgûrû ûgaatonya vûrûri ûrîa nevîtire atî nîngaava Iburahimu, Isaka na Jakovu, nîûndû nîmaaregire kûmbathîkîra.’

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Ahib 4:3

Kwoguo, tue arîa twîtîkîtie nîtûtonyaga kîvurûkorî kîu wata ûrîa Ngai aaugire atîrî, “Nînaarakarire na ngîranîra na mwîvîtwa atî, ‘Matigaatonya varîa ngamava kîvurûko!’ ” Ngai nîwaririe ûguo wana ethîrwa nîwathirîtie wîra wake kuuma rîrîa aaûmbire nthî.