Ndari 14:22 - ÎVUKU RÎA ÛVORO MWARO

²² gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Ndari 14:22 ပူးပေါင်းရင်းမြစ်များ

Kîam 31:41

Mbîkarîte gwaku mîaka mîrongo îrî; nagûtungatîre mîaka îkûmi na îna nîguo mvikie erîtu aku oîrî, na ngîrîthia ndîthia yaku mîaka îtandatû. Kûnarî ûguo, we wîthîrîtwe ûgarûrîte mûcara wakwa maita îkûmi.

Kîam 31:7

Kûnarî ûguo, aguo ethîrîtwe akîmveenia, na akagarûra mûcara wakwa maita îkûmi. Nwatî Ngai ndaanamwîtîkîria ambîke ûndû mûcûku.

Ayubu 19:3

Nî maita îkûmi mwîthîrîtwe mûkînuma, mûtingîconoka nî ûguo mûnumîte?

Thaburi 106:14

Marî werûrî nîmecûrirwe nî ngumba nene ya irio, na makîgeria Ngai marî kûu werûrî.

Thaburi 106:26

Kwoguo Ngai-Mûnene nîwevîtire na ma, akiuga atî nîagaatûma makuîre werûrî.

Thaburi 78:41

Meekaraga makîgeragia Ngai, na magatûma Ûrîa Mûtheru wa Isiraeli arakare.

Ntha 14:11

Nao nîmeerire Musa atîrî, “Nîkwa gûtaarî mbîrîra kûu Misiri nîguo ûtûrute kuo tûke tûkuîre gûkû werûrî? Taroria ûrîa wîkîte nîûndû wa gûtûruta Misiri!

Ntha 15:24

Nao andû a Isiraeli nîmaatetirie Musa na makîmûria atîrî, “Nîtûnyua ndûî?”

Ntha 16:2

Na andû onthe a Isiraeli marî kûu werûrî nîmaatetirie Musa na Aroni

Ntha 17:2

Andû nîmaambîrîrie gûtetia Musa makîmwîraga atîrî, “Tûve manjî ma kûnyua.” Nake Musa nîwamacokerie atîrî, “Mûrateta nîkî? Nîndûî kîratûma mûgerie Ngai-Mûnene?”

Ntha 17:3

Nwatî andû maarî anyondu mûno, na nîmaathiîre na mbere gûteta makîûragia Musa atîrî, “Nîndûî gîatûmire ûtûruta Misiri? Wendaga tûke ûtûragîre gûkû werûrî na nyonda tûrî vamwe na ciana cietû na ng'ombe cietû?”

Ntha 17:7

Navo vandû vau nîwavatuîrîre rîîtwa akîveeta Masa na Meriba. Aveetire ûguo nîûndû vau nîvo andû maateteere na makîgeria Ngai-Mûnene makîûragia atîrî, “Ngai-Mûnene arî natue kana ndarî natue?”

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 5:21

Nao nîmeerire Musa na Aroni atîrî, “Ngai-Mûnene nîonete ûrîa mwîkîte na nîakûmûtuîra nîûndû nîmûtûmîte mûthamaki na atongoria ake matûthûra. Nîmûmavete kîîgwatio gîa gûtûraga.”

Isaia 42:20

Mue nîmwonete maûndû meengî, nwatî mûtitaûkagîrwa nî ûndû. Matû menyu nî mavingûre, nwatî mûtiîgucaga.”

Danieli 1:20

Maûndûrî monthe megiî ûûgî na ûtaûki marîa mûthamaki angîendire kûmenya kuumana nao, nîwonire marî aro maita meengî mûno gûkîra aragûri kana aringi mbûgû, arîa maarî kûrîa kuonthe aathanaga.

Malaki 3:15

Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”

Ndari 11:1

Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 11:4

Kwarî na andû ageni mathiîcanîtie na andû a Isiraeli. Andû acio maarî na ngumba ya nyama mûno. Kwoguo nîmaatûmire andû a Isiraeli mambîrîria kûrîra makiugaga atîrî, “Narî kethîrwa tûrî na nyama cia kûrîa!

Ndari 12:1

Aroni na Miriamu nîmaamenererie Musa nîûndû wa mûndûmûka Mûkushi ûrîa aavikîtie.

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ndari 14:2

Nîmaatetirie Musa na Aroni makiugaga atîrî, “Wana kava tûngîakuîrîre Misiri kana tûkuîre gûkû werûrî!

Ndari 32:12

Kalebu mûvîcî wa Jefune kuuma Kenezi, na Joshua mûvîcî wa Nuni nîo tu magaatonya vûrûrirî wa Kîîranîro, nîûndû methîrîtwe makîathîkîra Ngai-Mûnene.”

Mathaayo 4:7

Nake Jesû nîwamîcokerie atîrî, “Wana rîngî mandîko matheru nîmaugîte atîrî, ‘Ndûkanagerie Mwathani Ngai waku.’ ”

1Akor 10:5

Nwatî wana vuva wa ûguo eengî gatagatîrî kao matiakenia Ngai na kwoguo nîmaakuîrîre werûrî.

1Akor 10:9

Tûtiagîrîrwe nî kûgeria Mwathani ta ûrîa amwe kuuma gatagatîrî kao meekire na makîûragwa nî njoka.

Gûco 9:7

“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.

Ahib 3:9

Kûu werûrî nîkuo methe menyu maangereerie, wana ethîrwa nîmoonete maûndû marîa nekîte mîaka mîrongo îna.