Ndari 14:14 - ÎVUKU RÎA ÛVORO MWARO

¹⁴ nîmakeera andû arîa matûûraga vûrûri ûyû. Andû a vûrûri ûyû nîmarîkîtie kwîgua atî we, Ngai-Mûnene, wîthagîrwa ûrî vamwe natue, na atî we nîwonekaga rîrîa îtu rîaku rîarûngama îgûrû rîetû. Nîmeguîte atî ûthiîcaga ûrî mbere yetû na gîtugî Kîam îtu mûthenya, na ûtukû ûkathiî na gîtugî Kîam mwaki.

Ndari 14:14 ပူးပေါင်းရင်းမြစ်များ

Kîam 32:30

Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.

Nehemia 9:12

Mûthenya nîwamatongoragia na îtu, na ûtukû wamamûrîkagîra njîra na mwaki.

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Thaburi 105:39

Ngai nîwatambûrûkirie îtu îgûrû rîa andû ake, na mwaki wa kûmamûrîkîra ûtukû.

Thaburi 78:14

Ngai aamatongoragia na îtu mûthenya, na ûtukû aamatongoragia na kîmûrî Kîam mwaki.

Ntha 15:14

Ndûrîrî nîciîguîte, nacio nîcinainaga irî na guoya; Afilisiti nîmagwatîtwe nî kîmako kînene.

Ntha 33:11

Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Ntha 40:38

Kwoguo ng'endorî cionthe ciao, andû a Isiraeli îtu rîa Ngai-Mûnene rîrî îgûrû rîa îgema rîa Ngai-Mûnene mûthenya, na ûtukû nîmoonaga mwaki ûrî îgûrû rîarîo.

Ndari 10:34

Kuuma varîa meethagîrwa mambîte magema kûthiî varîa vengî, maathiîcaga matongoreretue nî îtu rîa Ngai-Mûnene mûthenya.

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 14:9

Jesû nîwamûcokerie atîrî, “Filipu, ndûûranîtie namue muonthe kavinda karaca ûguo na atî we ndûrî mûûmenyu? Mûndû wa wonthe ûmonete, nîmwonu Vava. Nîndûî kîratûma ûmbîre, ‘Twonie Vava?’

1Akor 13:12

Rîu twonaga maûndû mekariî ta kîruru gîciciorî, nwatî vîndî îo nîtûkaamonaga ûthiû kwa ûthiû. Rîu nîramenya maûndû wa gîcunjî tu. Vîndî îo ngaamenya maûndû monthe wata ûrîa Ngai ambîcî.

Gûco 1:19

“Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 34:10

Kuuma vîndî îo, gûtirî kwagîa mûrathi wîngî ta Musa vûrûrirî wa Isiraeli, mûndû maaranagîria na Ngai-Mûnene metho kwa metho.

Gûco 5:24

na makîmbîra atî, ‘Ngai-Mûnene, Ngai wetû nîwatwonirie riiri na ûnene wake rîrîa twegwire akîaria arî mwakirî! Ûmûnthî nî twona Ngai akîaria na mûndû na îthenya rîa mûndû ûcio gûkua agatûûra mwoyo.

Gûco 5:4

Ngai-Mûnene nîwaririe namue mûkîyonagîra arî mwakirî kûu kîrîmarî.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.