Ndari 13:33 - ÎVUKU RÎA ÛVORO MWARO

³³ Wana nîtwonire njiarwa cia Anaki, andû arîa megana marimû, tweyonire tûnyivîte ta mvandi tûrî mbere yao. Na wanao nwaguo moonaga twîgana.”

Ndari 13:33 ပူးပေါင်းရင်းမြစ်များ

Kîam 6:4

Mavindarî mau na marîa maarûmîrîre, nîkwagîre andû anene mûno arîa maarî njiarwa cia aka a gûkû nthî, na ciûmbe cia îgûrû. Acio nîo maarî andû a tene na maarî njamba.

1Maû 11:23

Nîwaûragire Mûmisiri warî na ûraca wa fiti mûgwanja na nuthu, mûndû warî mûnene. Wana ethîrwa Mûmisiri ûcio nîwanyitîte îtumû înene mûno na njara, Benaia nîwamûtharîkîre na njokoma, akîmûcuuna îtumû rîu rîake na akîmûraga narîo.

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Ndari 13:22

Nîmaaunûkirie makîthiî mwena wa Negebu na magîkinya Heburoni. Kûu nîkuo meethîrîrie Ahimani, Sheshai, na Talimai njiarwa cia Anaki. (Heburoni yatumirwe mîaka mûgwanja mbere ya Zoani îrîa îrî Misiri.)

Ndari 13:28

Nwatî andû arîa matûûraga vûrûrirî ûcio nî anene mûno na matûûra ma kuo nî mairigîre na nthingo cia vinya, na nî manene mûno. Makîria ya ûguo, nîtwonire njiarwa cia Anaki kuo.

Ndari 14:1

Ûtukû ûcio wonthe andû onthe a Isiraeli nîmaarîrire maugîrîrîtie.

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’

Gûco 2:10

(Tene andû anene mûno ta marimû meetagwa Emimu nîo maatûûraga kuo. Maarî eengî na maarî na vinya mûno na araca ta Anaki.

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.

Gûco 9:2

Andû a mavûrûri mau nî araca na marî vinya; nî avîcî a Anaki ûrîa mwîcî na mwegwire gûkîarua ûvoro wake atî, gûtirî mûndû ûngîtirîria andû ake mbaararî.

Josh 11:21

Kavinda wa kau, Joshua na athigari ake a mbaara nîmaaûragire andû a rûruka rwa andû maarî anene mûno metagwa Anaki. Andû acio maatûûraga vûrûrirî ûrîa ûrî irîmarî matûûrarî ma Heburoni, Debiri, Anabu na vûrûri wonthe ûrîa ûrî irîma wa Juda na Isiraeli. Joshua nîwacûkangirie andû onthe wa vamwe na matûûra mao.

Josh 14:12

Kwoguo ngaîra vûrûri ûyû ûrî irîma ûrîa Ngai-Mûnene aambîrîre mûthenya ûcio twamwindîre ûvoro. Mûthenya ûcio twamwîrire atî andû arîa metagwa Anaki maatûûraga matûûrarî manene na mairigîre. Ngai-Mûnene nî akûndethia na nie nîngûmengata maume kuo wata ûrîa ke aaugire.”

Josh 15:14

Kalebu nîwengatire njiarwa cia Anaki kuuma îtûûrarî rîa Heburoni. Njiarwa icio ciarî cia mbarî ya Sheshai, Ahimani na Talimai.

1Sam 17:24

Rîrîa Aisiraeli moonire Goliathu, nîmeguire guoya na makîûra nîûndû wa guoya.

1Sam 17:42

Na rîrîa Goliathu aaroririe na akîona Daudi waro, ke nîwamûnyararire nîûndû Daudi kaarî kavîcî kanini na kathaka.