Ndari 13:3 - ÎVUKU RÎA ÛVORO MWARO

³ Kwoguo Musa nîwatûmire atongoria a andû a Isiraeli kuuma werûrî wa Parani wata ûrîa aathirwe nî Ngai-Mûnene.

Ndari 13:3 ပူးပေါင်းရင်းမြစ်များ

Ndari 10:12

Nao Aisiraeli nîmaambîrîrie rûgendo makiuma werûrî wa Sinai. Îtu nîrîathiîre rîkîrûngama werûrî wa Parani.

Ndari 12:16

Vuva wa ûguo andû nîmaaumire Hazerothi na makîthiî magîkara werûrî wa Parani.

Ndari 13:2

“Thuura mûtongoria ûmwe ûmwe kuuma mîvîrîgarî îkûmi na îîrî ya andû a Isiraeli, na ûmatûme makathigane vûrûri wa Kanaani ûrîa ngaava andû a Isiraeli.”

Ndari 13:26

Nîmaathiîre kûrî Musa, Aroni, na andû onthe a Isiraeli kûu Kadeshi werûrî wa Parani, na makîmeera ûrîa moonire, na makîmoonia matunda ma vûrûri ûcio.

Ndari 13:4

Atongoria acio maarî: Shamua mûvîcî wa Zakuri kuuma mûvîrîgarî wa Reubeni,

Ndari 32:8

Ûguo nîguo methe menyu ma tene meekire vîndî îrîa naamatûmire kuuma Kadeshi-barinea makathigane vûrûri.

Ndari 34:17

“Mûthînjîri-Ngai Eliazaru, na Joshua mûvîcî wa Nuni nîo makaagaanîria andû vûrûri.

Gûco 1:19

“Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 1:23

Nînoonire ûndû ûcio wî mwaro wa gwîka, na nînathuurire andû îkûmi na aîrî, wa mûvîrîga mûndû ûmwe.

Gûco 9:23

Na rîrîa Ngai-Mûnene aamûtûmire kuuma Kadeshi-barinea na akîmwîra mûthiî mûkegwatîre vûrûri ûrîa aamûveere, nîmwacokire mûkîregana na maathani ma Ngai-Mûnene Ngai wenyu na mûtiamwîtîkia kana mûmwathîkîra.

1Sam 25:1

Rîrîa Samueli aakwire, Aisiraeli onthe nîmaaûnganire vamwe na makîmûcakaîra. Nîmaacokire makîmûthika gwake mûciî kûu Rama. Vuva wa ûguo, Daudi nîwathiîre werûrî wa Parani.