Ndari 13:26 - ÎVUKU RÎA ÛVORO MWARO

²⁶ Nîmaathiîre kûrî Musa, Aroni, na andû onthe a Isiraeli kûu Kadeshi werûrî wa Parani, na makîmeera ûrîa moonire, na makîmoonia matunda ma vûrûri ûcio.

Ndari 13:26 ပူးပေါင်းရင်းမြစ်များ

Kîam 14:7

Kedorilaomeri nîmaacokire makîgarûrûka magîcoka Kadeshi (îrîa yetagwa Enimishipati). Nao nîmaavootire vûrûri wonthe wa Amaleki, na wa Amori arîa maatûûraga Hazazonitamaru.

Thaburi 29:8

Mûgambo wa Ngai-Mûnene nîûtûmaga werû winaine, Ngai-Mûnene nî ainainagia werû wa Kadeshi.

Ndari 13:25

Vuva wa mîthenya mîrongo îna athigani nîmaacokire kûrîa maambîte magema.

Ndari 13:3

Kwoguo Musa nîwatûmire atongoria a andû a Isiraeli kuuma werûrî wa Parani wata ûrîa aathirwe nî Ngai-Mûnene.

Ndari 20:1

Mweri wa mbere, andû onthe a Isiraeli nîmaakinyire werûrî wa Zini na makîamba magema mao Kadeshi. Miriamu nîwakuîrîre kûu na akîthikwa wa kuo.

Ndari 20:14

Musa nîwatûmire anjaama kuuma Kadeshi mathiî kûrî mûthamaki wa Edomu. Anjaama acio nîmaaugire atîrî, “Mûrwanyûkwe Isiraeli auga atî, we nîwîcî mathîna monthe marîa twonete.

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Ndari 32:8

Ûguo nîguo methe menyu ma tene meekire vîndî îrîa naamatûmire kuuma Kadeshi-barinea makathigane vûrûri.

Ndari 32:9

Maathiîre nginya Kîamndarî Kîam Eshikoli, na makîona vûrûri. Nwatî rîrîa maacokire, nîmaaûragire andû a Isiraeli ngoro nîguo maremwe nî kûthiî vûrûrirî ûrîa maavetwe nî Ngai-Mûnene.

Ndari 33:36

Nîmaacokire makiuma Ezioni-geberi na makîthiî magîkara Werûrî wa Zini (Kadeshi).

Gûco 1:19

“Nîtwekire wa ûrîa Ngai-Mûnene, Ngai wetû aatwathire twîke. Nîtwaumire kîrîmarî gîa Sinai na tûkîthiî tûvîtûkanîrîtie werûrî mûnene warî na guoya ûrîa mwonire na vûrûrirî ûrîa ûrî irîma wa Aamori, na tûgîkinya Kadeshi-barinea.

Gûco 1:2

Mûndû aumîte kîrîmarî gîa Sinai athiîte Kadeshi-barinea avîtûkîrîrîte vûrûrirî ûrîa ûrî irîma wa Edomu, aathiîcaga rûgendo rwa mîthenya îkûmi na ûmwe (11).

Josh 14:6

Andû amwe a kuuma mûvîrîgarî wa Juda nîmaathiîre kûrî Joshua kûu Giligali. Ûmwe wao aarî Kalebu mûvîcî wa Jefune wa mbarî ya Kenezi. Nake Kalebu nîwerire Joshua atîrî, “We nîwicî ûrîa Ngai-Mûnene eerire Musa mûndû wa Ngai ûvoro wîgiî nie nawe vîndî îrîa twarî Kadeshi-barinea.

Josh 14:7

Rîrîa Musa ndungata ya Ngai-Mûnene aandûmire kuuma Kadeshi-barinea nthiî ngathigane vûrûri ûyû naarî na ûkûrû wa mîaka mîrongo îna. Naindîre Musa ûvoro wa ma.