Ndari 13:20 - ÎVUKU RÎA ÛVORO MWARO

²⁰ Tuîriani mwone kana vûrûri ûcio nî mûnoru, kana tî mûnoru, ûrî na mîtî kana ndûrî. Îîyûmîrîrieni na mûndetere matunda mamwe ma vûrûri ûcio.” (Vîndî îo nîrîo thavibu ciambagîrîria gûtunîva.)

Ndari 13:20 ပူးပေါင်းရင်းမြစ်များ

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Nehemia 9:35

Rîrîa maarî athamaki vûrûrirî wao matianagûtungata, na rîrîa maakenagîrîra maûndû meengî maro marîa wamaveete; vûrûrirî warî mûnene na mûnoru, nwatî matiatiga gwîka maûndû macûku.

Ezek 34:14

Nîngaairîthia kûndû kûrî na nyaki mbaro îgûrû rîa irîma cia Isiraeli. Nîikaamama kûndû kûrî na nyaki mbaro ya kûrîwa, na nîikaagîa na kûndû kwaro gwa kûrîa kûu irîmarî cia Isiraeli.

Danieli 11:24

Ke nî akaathithûkîra gîcunjî Kîam vûrûri kîrîa gîtongu andû a kuo matakûmenya. Nîageka maûndû wana mataanekwa nî methe make arîa maathanaga mbere yake. Nîagaacoka agaîre arûmîrîri ake na andû arîa aatavire, ûtonga na indo irîa aatavîte mbaararî. Nîakaavanga ûrîa akaatharîkîra kûndû kûrîa kwirigîre, nwatî ûndû ûyû ûgeekîka kavinda kanini.

Mika 7:1

Kaî nîrî na thîna-î! Nie mbîkariî ta mûndû ûrîa ûthiîcaga, akethîrîria mîgûnda yarîkia gûkethwa. Thavibu cionthe nî ngethe, na gûtirî maciaro ma mbere ma ngûû irîa nîriragîria.

Ndari 13:19

Tuîriani mwone vûrûri ûcio nî mwaro kana tî mwaro na mûtuîrie mwone matûûra mao nî mairigîre na rûthingo rwa vinya kana tî mairigîre.

Gûco 1:24

Andû acio nîmaathiîre na magîtonya vûrûri ûrîa ûrî irîma, na magîkinya Kîamndarî Kîam Eshikoli magîkîthigana.

Gûco 1:25

Nao nîmaatûretere matunda kuuma vûrûrirî ûcio na magîtwîra atî vûrûri ûcio Ngai-Mûnene, Ngai wetû atûvete nî mwaro.

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Ahib 13:6

Kwoguo tûrî na ûmîrîru nwa tuge atîrî, “Mwathani nîke ûndethagia, nie ndigeetigîra. Nî atîa mûndû wana ûrîkû angîmbîka?”

Josh 1:6

Gîa na vinya na ûmîrîrie nîûndû nîwe ûgaatûma andû aya magae vûrûri ûrîa nerîre methe mao na ngîîvîta atî nîngaamava.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 2:1

Joshua mûvîcî wa Nuni nîwacokire agîtûma athigani aîrî kuuma Shitimu na akîmera mathiî makathigane vûrûri wa Kanaani na makîria îtûûra rîa Jeriko. Rîrîa maakinyire îtûûrarî rîa Jeriko, nîmaathiîre na makîrarîrîra kwa mûndû mûka ûmwe mûmaraa wetagwa Rahabu.

Josh 2:3

Kwoguo mûthamaki nîwatûmanîre Rahabu na akiuga erwe atîrî, “Arûme acio marî gwaku nyomba maûkîte nîguo mathigane vûrûri wetû wonthe. Marute ûmarete!”