Ndari 12:7 - ÎVUKU RÎA ÛVORO MWARO

⁷ Nwatî ûguo tîguo mbaragia na ndungata yakwa Musa. Nîke nîîvokerete andû akwa onthe a Isiraeli.

Ndari 12:7 ပူးပေါင်းရင်းမြစ်များ

Ayubu 1:8

Nake Ngai-Mûnene nîwamûririe atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mûthingu take. Nîanîtigîrîte na nîethemaga maûndû macûku.”

Thaburi 105:26

Nîwacokire agîtûma ndungata yake Musa, na Aroni ûrîa aathuurîte.

Ntha 33:11

Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Mathaayo 11:11

“Nîramwîra na ma atî, Johana Mûvatithania nîke mûnene gûkîra mûndû wîngî wa wonthe ûrîa wanatûûra. Nwatî mûndû ûrîa mûnini mûno Ûthamakirî wa Îgûrû nî mûnene gûkîra Johana.

Mathaayo 11:9

Ta mbîrani mue mwathiîte kwona ndûî? Nî mûrathi? Îni! Nwatî nîmwonire mûndû warî mûnene gûkîra mûrathi.

Ciîko 7:31

Musa nîwamakire mûno rîrîa oonire ûguo. Na rîrîa aakuvîvîrie nîguo one waro, nîwegwire mûgambo wa Mwathani ûkiuga atîrî:

1Akor 4:2

Makîria ya ûguo, ndungata ciagîrîrwe nîkwîthîrwa ciîvokekete kûrî Mwathi wacio.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

Josh 1:1

Vuva wa Musa ndungata ya Ngai-Mûnene gûkua, Ngai-Mûnene nîwerire Joshua mûvîcî wa Nuni, ûrîa watethagîrîria Musa

Josh 1:2

atîrî, “Ndungata yakwa Musa nîîkuîte. Rîu ûkîra mûrî na andû a Isiraeli mûringe rûnjî rwa Jorodani mûthiî vûrûrirî ûrîa ngûmava.