Ndari 12:13 - ÎVUKU RÎA ÛVORO MWARO

¹³ Kwoguo Musa nîwarîrîre Ngai-Mûnene akîmwîra atîrî, “Ûûi, Ngai, nakûthaitha ûmûvonie!”

Ndari 12:13 ပူးပေါင်းရင်းမြစ်များ

Kîam 20:17

Iburahimu nîwavoire Ngai nake akîvonia Abimeleki, mûka wa vamwe na ngombo ciake cia erîtu nîguo magîe na ciana.

1Atha 13:6

Mûthamaki Jeroboamu nîwerire mûndû ûcio wa Ngai atîrî, “Nakûthaitha nthaithîra Ngai-Mûnene, Ngai waku ûmwîre amvonie njara yakwa!” Mûndû ûcio wa Ngai nîwathaithire Ngai-Mûnene na njara ya mûthamaki nîyavonirue, na îgîkara wata mbere.

Thaburi 30:2

Nînaakûrîrîre we Ngai-Mûnene, Ngai wakwa nîguo ûndethie, na nîwamvonirie.

Thaburi 41:4

Nanie nînaugire atîrî, “Nîngwîvîrîtie we Ngai-Mûnene; mbîguîra ntha na ûmvonie.”

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 4:7

Nake Ngai-Mûnene nîwerire Musa rîngî atîrî, “igîrîra njara yaku rîngî kîthûrirî gîaku.” Nake nîwekire guo. Na rîrîa aamîrutire vîndî îo njara îo yarî na vinya na nîyonekaga îkariî ta mwîrî ûcio wîngî.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Ndari 11:2

Andû nîmaarîrîre Musa, na rîrîa Musa aavoire Ngai-Mûnene mwaki nîwavorire.

Ndari 12:12

Ndûkareke Miriamu ekare ta mûndû wavunirwe na ciîga imwe irî ndîku.”

Ndari 14:2

Nîmaatetirie Musa na Aroni makiugaga atîrî, “Wana kava tûngîakuîrîre Misiri kana tûkuîre gûkû werûrî!

Ndari 16:41

Mûthenya ûcio warûmîrîrîte, andû onthe a Isiraeli nîmaatetirie Musa na Aroni makîmeeraga atîrî, “Nîmwaûraga andû a Ngai-Mûnene.”

Luka 23:34

Nake Jesû nîwaugire atîrî, “Ngai Vava, movere nîûndû matiîcî ûrîa mareka.” Nao nîmaaûthîre nguo cia Jesû nîguo mamenye ûrîa makûigaana.

Luka 6:28

Arîa mamwimagîra irî, metagîrieni kîrathimo kuuma kûrî Ngai, na mûvoyagîre arîa mamwîkaga naaî.

Ciîko 7:60

Nake nîwaturirie maru na akîanîrîra na mûgambo mûnene akiuga atîrî, “Mwathani, ndûkamaverithie nîûndû wa wîvia ûyû wao!” Na rîrîa Stefano aarîkirie kuga ûguo, nîwakwire.

Aroma 12:21

Ndûgetîkîre kûvootwa nî ûndû mûcûku, nwatî vootaga ûndû ûrîa mûcûku na njîra ya gwîka waro.

Jakuvu 5:15

Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.