Ndari 11:20 - ÎVUKU RÎA ÛVORO MWARO

²⁰ nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 11:20 ပူးပေါင်းရင်းမြစ်များ

2Sam 12:10

Nîûndû wa ûguo, andû amwe kuuma njiarwarî ciaku cionthe magaakua gîkuû Kîam ruuo nîûndû nîûregete kûmbathîkîra na nîwocete mûndûmûka wa Uria.

Thaburi 106:15

Nîwamavere kîrîa meetirie, nwatî nîwatûmire manyitwa nî mûrimû mûcûku.

Ntha 16:13

Na kîvwaî Kîam mûthenya ûcio nîgwaûkire gîkundi kînene gîa tûconi twîtagwa tûthirimûkû na tûgîcûra vau maambîte magema mao. Na kîraûko kwarî na îme rîrigicîrîtie vau maambîte magema.

Ntha 16:3

na makîmeera atîrî, “Nî kava Ngai-Mûnene angîatûûragîre Misiri, nîûndû kûu nîtwekaraga nthî tûkarîa nyama na irio cionthe irîa twendaga. Nwatî mwatûretire gûkû werûrî nîguo tuonthe tûkuîre kuo nî yûra.”

Ntha 16:8

Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

Nthi 27:7

Mûndû ûrîa ûrîte akavaa wana ûûkî nwa aûrege, nwatî mûndû arî mûvûtu egucaga wana irio irîa njûku irî na mûrîo.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Ndari 11:13

Andû aya onthe mararîra makîmbîraga nîmave nyama marîe; nînîmarutîra kû?

Ndari 11:19

Tî mûrîa nyama mûthenya ûmwe, kana îîrî, kana îtano, kana îkûmi, kana mîrongo îîrî,

Ndari 11:21

Musa nîwerire Ngai-Mûnene atîrî, “Nie ndongoretie andû ngiri magana matandatû (600,000), na ûrauga atî nîûkûmava nyama cia kwîgana mweri mûgima!

Ndari 14:3

Ngai-Mûnene aratûvira vûrûrirî ûcio nîkî? Tûkaaûragîrwa mbaararî na aka etû na ciana itavwe. Tî kava tûcoke Misiri?”

Ndari 14:4

Kwoguo nîmeeranire atîrî, “Tigani tûthuure mûndû wa gûtûtongoria nîguo tûcoke Misiri!”

Ndari 16:13

Ûguo wekire nî mwîganu! Watûrutire Misiri vûrûri warî na îriia na ûûkî, na ûgîtûrete gûkû werûrî nîguo ûtûragîre kuo? Wana rîu ûrenda gûtwatha?

Ndari 20:4

Watûretire gûkû werûrî nîguo tûkuîre kuo vamwe na ndîthia yetû?

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Ciîko 13:41

‘Tathikîrîriani anyûrûrania aya! Makani na Mûkue! Nîûndû ûndû ûrîa nie ngwîka ûmûnthî ûyû mue tî mwîtîkia, wana mwataarîrua guo, nî mûndû!’ ”

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

Josh 24:27

Joshua nîwerire andû onthe atîrî, “Taroriani, îthiga rîîrî nîrîegua maûndû monthe marîa Ngai-Mûnene atwîra. Kwoguo rîgatuîkaga ûira kûrî mue wa kûmûgiria mûregana na Ngai.”

1Sam 10:19

Nî nie Ngai wenyu, ûrîa ûmûvonokagia kuuma mathînarî na mîtangîkorî yenyu yonthe, nwatî mue nîmûndiganîrîtie na mûkambîra nîmûnengere mûthamaki. Ûguo nî waro mûno. Kwoguo rûngamani mbere ya Ngai-Mûnene kûringana na ûrîa mîvîrîga yenyu îkariî, na wata ûrîa mbarî cienyu ciîkariî?”

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.