Ndari 11:16 - ÎVUKU RÎA ÛVORO MWARO

¹⁶ Ngai-Mûnene nîwerire Musa atîrî, “Nyûnganîria athuuri mîrongo mûgwanja arîa wîcî atî nî atongoria a andû a Isiraeli na mûke mûrûngame îgemarî rîa Ngai-Mûnene.

Ndari 11:16 ပူးပေါင်းရင်းမြစ်များ

Kîam 46:27

Josefu aarî na avîcî aîrî arîa aagîte nao arî Misiri. Kwoguo andû onthe a Jakovu arîa maathiîre Misiri maarî mîrongo mûgwanja (70).

Ntha 18:25

na nîwathuurire andû maarî na ûvoti kuuma gatagatî ka andû onthe a Isiraeli. Ke nîwamatwire atongoria, mathage ikundi cia andû ngiri, îgana, mîrongo îtano na engî makûmi.

Ntha 24:1

Ngai-Mûnene nîwacokire akîra Musa atîrî, “Unûkia ûke kîrîmarî varî nie, we na Aroni na Nadabu na Abihu, na atongoria mîrongo mûgwanja a Isiraeli. Na mûrî wa varaca mwînamîrîre na mûngooce.

Ntha 24:9

Nao Musa, Aroni, Nadabu, Abihu, na atongoria mîrongo mûgwanja a Isiraeli nîmaaunûkirie kîrîmarî

Ntha 4:29

Nao Musa na Aroni nîmaathiîre Misiri na makîûngania atongoria a Isiraeli vamwe.

Jeremia 19:1

Ngai-Mûnene ambîrire atîrî, “Thiî, ûgûre nyûngû ya yûmba na woce atongoria amwe a andû a Isiraeli na athînjîri-Ngai arîa akûrû,

Ezek 8:11

Mbere ya mîvuanano îo kwarî na athuuri mîrongo mûgwanja a Isiraeli, na Jaazania mûvîcî wa Shafani arûngamîte vamwe nao. Wa mûndû agwete kathaani ga kûvîvîria ûbani, na ndogo ya ûbani nîyaumaga îkiunûkagia.

Ndari 11:24

Kwoguo Musa nîwathiîre kûrî andû na akîmeera ûrîa Ngai-Mûnene aaugîte. Nîwaûnganirie athuuri mîrongo mûgwanja na akîmeera marûngame mathiûrûrûkîrîtie îgema rîa gûcemanîrua.

Ndari 16:25

Nake Musa vamwe na atongoria onthe a Isiraeli nîmaathiîre kûrî Dathani na Abiramu.

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.

Luka 10:17

Nao arutwa arîa mîrongo mûgwanja na aîrî nîmaacokire makenete na makîra Jesû atîrî, “Mwathani, wana nginya ngoma nîiratwathîkagîra rîrîa twaciatha na rîîtwa rîaku!”

Gûco 1:15

Kwoguo nînoocire andû acio mwathuurîte aûgî na mecîkene kuuma mîvîrîgarî yenyu, na ngîmatua atongoria enyu. Amwe naamatuire atongoria a andû makiri, amwe atongoria a andû magana, na engî atongoria a ikundi cia andû mîrongo îtano na engî atongoria a makûmi ma andû. Na nînathuurire atongoria engî mîvîrîgarî yonthe yenyu.

Gûco 16:18

“Thuurani atucanîri ciira na anene kuuma matûûrarî menyu monthe marîa Ngai-Mûnene Ngai wenyu akûmûva kûringana na mîvîrîga yenyu. Andû acio magaatucagîra andû na waragania.

Gûco 31:28

Îtani athuuri onthe a mîvîrîga yenyu na atongoria onthe magomane ava nîguo nîmere ciugo ino, na nîngwîta îgûrû na nthî ituîke aira kûrî o.