Ndari 11:13 - ÎVUKU RÎA ÛVORO MWARO

¹³ Andû aya onthe mararîra makîmbîraga nîmave nyama marîe; nînîmarutîra kû?

Ndari 11:13 ပူးပေါင်းရင်းမြစ်များ

2Atha 4:43

Nwatî ndungata yake nîyamûririe atîrî, “Irio ino nîikwîgana andû îgana rîmwe?” Nake Elisha nîwamwîrire atîrî, “Manengere marîe, nîûndû Ngai-Mûnene augîte, atî nîmarîa na matigarie.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Ndari 11:20

nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 11:21

Musa nîwerire Ngai-Mûnene atîrî, “Nie ndongoretie andû ngiri magana matandatû (600,000), na ûrauga atî nîûkûmava nyama cia kwîgana mweri mûgima!

Ndari 11:22

Ng'ombe, mbûri na ng'ondu irîa tûrî nacio ingîthînjwa nwa ciîgane cia kûrîwa nî andû aya? Nthamaki cionthe irîa irî îriarî ciamegana?”

Mathaayo 15:33

Nao arutwa nîmaaûririe Jesû atîrî, “Nîva tûngîruta irio mbîganu gûkû werûrî ûyû, cia kûvaithia andû aya onthe?”

Maariko 8:4

Nao arutwa ake nîmaamûririe atîrî, “Nîva werûrî ûyû mûndû angîruta irio mbîganu cia kûvaithia andû aya onthe?”

Maariko 9:23

Nake Jesû nîwerire îthe wa kamwana kau atîrî, “Atî angîthîrwa nwa mvote! Mûndû ûrîa wîtîkîtie nwa avote gwîka ûndû wa wonthe.”