Ndari 11:10 - ÎVUKU RÎA ÛVORO MWARO

¹⁰ Nake Musa nîwegwire andû makîrîra marûngamîte wa mûndû mûromorî wa îgema rîake. Ngai-Mûnene nîwarakarire mûno nî andû acio, na Musa ndaakenua nî ûndû ûcio.

Ndari 11:10 ပူးပေါင်းရင်းမြစ်များ

Thaburi 106:25

Nîmaanugunire marî magemarî mao, na matiathîkîra Ngai-Mûnene.

Thaburi 139:21

We Ngai-Mûnene, nie nîmenete arîa makûmenete, na nganyarara arîa mareganaga nawe.

Thaburi 78:21

Kwoguo rîrîa Ngai-Mûnene eegwire makiuga ûguo nîwecûrirwe nî marakara, na nîwavîvirie andû a Jakovu na marakara mekariî ta mwaki, marakara make makîtharîkîra andû a Isiraeli,

Thaburi 78:59

Rîrîa Ngai oonire maûndû mau nîwarakarire mûno, kwoguo nîwaregire andû a Isiraeli viû.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Ndari 11:1

Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 11:11

Kwoguo Musa nîwerire Ngai-Mûnene atîrî, “Ûmbîkîte naaî ûguo nîkî? Ûrakarîte nînie nîkî? Ûnduîte mûmenyereri wa andû aya onthe nîkî?

Ndari 11:9

Îme rîkîgwa ûtukû kûrîa maambîte magema rîagwîcanagîria na maana îo.

Ndari 12:3

(Musa aarî mûndû mûvoreri mûno. Gûtirî mûndû warî mûvoreri take nthî yonthe.)

Ndari 12:9

Ngai-Mûnene nîwarakarirue nîo, na nîwathiîre akîmatiga.

Ndari 16:27

Kwoguo andû onthe nîmaaumire magemarî ma Kora, Dathani na Abiramu. Nao Dathani na Abiramu nîmaaumire na makîrûngama mîromorî ya magema mao vamwe na aka ao, na ciana ciao.

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Maariko 10:14

Rîrîa Jesû oonire ûguo nîwarakarire na akîîra arutwa ake atîrî, “Îtîkîriani twana tûke kûrî nie, tigani gûtûgiria, nîûndû Ûthamaki wa Ngai nî wa arîa mekariî ta tuo.

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.