Ndari 11:1 - ÎVUKU RÎA ÛVORO MWARO

¹ Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 11:1 ပူးပေါင်းရင်းမြစ်များ

Kîam 38:10

Ûndû ûcio Onani eekire nîwarakaririe Ngai-Mûnene, na Ngai-Mûnene akîmûraga wanake.

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

2Atha 1:12

Nake Elija nîwacokerie mûnene ûcio atîrî, “Ethîrwa nîrî mûndû wa Ngai, mwaki ûronyûrûrûka kuuma îgûrû na ûgûcûkangie vamwe na athigari aku mîrongo îtano!” Wa rîmwe mwaki nîwacokire ûkînyûrûrûka kuuma îgûrû na ûgîcûkangia mûnene ûcio wa athigari mîrongo îtano wa vamwe na athigari acio ake.

Ayubu 1:16

Mbere ya arîkia kwaria, ndungata îngî ya Ayubu nîyaûkire na îkîmwîra atîrî, “Rûveni kuuma îgûrû kwa Ngai rûkire na rwavîvia ng'ondu na ndungata ciaku irîa ikûirîthagia ciathira. Nînie nienga ndigarire nîguo mbûke ngûmenyithie maûndû mama.”

Thaburi 106:18

Mwaki nîwaumîrîre arûmîrîri ao, na ûkîvîvia andû acio aganu.

Thaburi 78:21

Kwoguo rîrîa Ngai-Mûnene eegwire makiuga ûguo nîwecûrirwe nî marakara, na nîwavîvirie andû a Jakovu na marakara mekariî ta mwaki, marakara make makîtharîkîra andû a Isiraeli,

Thaburi 78:63

Anake ao nîmaaûragîrwe mbaararî, na erîtu ao magîtura anake a kûmavikia.

Ntha 16:7

Na kîraûko nîmûkoona riiri wa Ngai-Mûnene nîûndû ke nîeguîte mûkîmûtetia. Tue tûrî a, atî nîguo mûtûtetie?”

Ntha 16:9

Musa nîwerire Aroni atîrî, “Îra andû onthe a Isiraeli maûke vakuvî na Ngai-Mûnene nîûndû ke nîwîguîte mateta mao.”

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Maca 3:39

Mûndû ndagîrîrwe nî gûteta, akîverithua nîûndû wa mevia make.

Ezek 20:36

Ngai-Mûnene augîte atî wata ûrîa aatuîrîre methe menyu marî werûrî wa Sinai nwaguo wana mue akaamûtuîrîra.

Alawi 10:2

Wa rîmwe, mwaki nîwaumire kûrî Ngai-Mûnene, ûkîmavîvia na magîkua Ngai-Mûnene akîonaga.

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Habakuku 3:5

Atûmaga mîrimû mbere yake, na gîkuû gîkarûmîrîra.

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 11:18

Coka wîre andû atîrî, ‘Îîtherieni nîûndû rûyû nîmûkaarîa nyama. Kîrîro kîenyu nîgîkinyîrîte Ngai-Mûnene. Mwîthîrîtwe mûkîrîrîra Ngai-Mûnene mûkiugaga atî mûrenda kûrîa nyama nîûndû Misiri kwarî kwaro gûkîra gûkû. Rîu Ngai-Mûnene nîakûmûva nyama mûrîe.

Ndari 12:2

Nîmaaûririe atîrî, “Nîkwa Ngai-Mûnene arîrîtie Musa tu? Na kinthî wanatue ndatwarîrîtie?” Nake Ngai-Mûnene nîwegwire ûrîa maaugire.

Ndari 14:2

Nîmaatetirie Musa na Aroni makiugaga atîrî, “Wana kava tûngîakuîrîre Misiri kana tûkuîre gûkû werûrî!

Ndari 14:22

gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.

Ndari 14:27

“Nî nginya rî andû aya aganu magûtûûra matetaga nîûndû wakwa? Nîmbîguîte ûrîa andû a Isiraeli methîrîtwe magîteta nîûndû wakwa!”

Ndari 14:28

Kwoguo meere, Nie Ngai-Mûnene nauga atîrî, “Wata ûrîa ndûûraga mwoyo, maûndû mau mwaria ngîgucaga nîngûmûvingîria mo.

Ndari 16:11

Kwoguo rîrîa we na arûmîrîri aku onthe mûrateta nî Ngai-Mûnene mûraregana nake. Aroni nû atî nîguo mûtete nîke?”

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

1Akor 10:10

Tue tûtiagîrîrwe nî gûteta ta ûrîa andû amwe gatagatîrî kao meekire na makîthirua nî Mûraika wa Ngai aumîte îgûrû.

Gûco 25:18

Ririkanani ûrîa maamûtharîkîre mûrî anogu na mûkathira vinya; na matagwîtigîra Ngai, nîmaaûragire arîa onthe maarî vuva.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Gûco 9:22

“Wana nwa mwarakaririe Ngai-Mûnene rîrîa mwarî Tabera, Masa, na Kiburothi Hatava.

Ahib 12:29

nîûndû Ngai wetû nî mwaki ûrîa ûvîvagia ûkathiria.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.