Ndari 10:33 - ÎVUKU RÎA ÛVORO MWARO

³³ Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 10:33 ပူးပေါင်းရင်းမြစ်များ

Thaburi 95:11

Kwoguo nînaarakarire na ngîîvîta ngiuga, matigaatonya kîvurûkorî gwakwa.”

Ntha 19:3

Nake Musa nîwaunûkirie kîrîmarî gîa Sinai nîguo agatûngane na Ngai. Nake Ngai-Mûnene nîwetire Musa arî kîrîmarî na akîmwîra ere andû a Isiraeli, njiarwa cia Jakovu atîrî,

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 28:12

Kûnarî ûguo, nîwerîrîte andû aya atîrî, “Ûyû nîguo ûvurûko; nîngûva arîa anogu ûvurûko. Ava nîvo varî ûvurûko,” nwatî nîmaaregire kûnthikîrîria.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 3:16

Vîndî îrîa mûkethîrwa mwongererekete na mûkengîva vûrûrirî, andû matigekaraga matakûgweta îthandûkû rîakwa rîa kîrîkanîro. Andû matikagweta, kana marîririkana rîngî, matikarîvatara kana marûtha rîngî.

Jeremia 31:2

Ngai-Mûnene arauga atîrî, “Andû arîa mataaûragîrwa werûrî nînameguîrîre ntha. Rîrîa andû a Isiraeli meerirîrie kûvurûka,

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Ndari 10:12

Nao Aisiraeli nîmaambîrîrie rûgendo makiuma werûrî wa Sinai. Îtu nîrîathiîre rîkîrûngama werûrî wa Parani.

Gûco 1:33

ûrîa wathiîcaga amûtongoretie njîrarî akîmwonagia varîa mûkwamba magema menyu. Ngai-Mûnene nîwamûtongoragîria na kîmûrî Kîam mwaki ûtukû nîguo mwone gwa kûthiîra na akamûtongoreria na îtu mûthenya.

Gûco 31:26

“Ocani îvuku rîîrî rîa Watho na mûriige mwenarî wa îthandûkû rîa kîrîkanîro Kîam Ngai-Mûnene Ngai wenyu nîguo rîkarage vau rîrî ûira kûrî mue.

Gûco 9:9

Rîrîa naaunûkirie kîrîmarî nîguo ngamûkîre ivengere cia îthiga irîa ciandîkîtwe kîrîkanîro kîrîa Ngai-Mûnene aarûthire namue, nînekarire kîrîmarî kîu mîthenya mîrongo îna, ûtukû na mûthenya ndakûrîa kana kûnyua kîndû.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”

Atir 20:27

Vîndî îo, îthandûkû rîa kîrîkanîro Kîam Ngai-Mûnene rîarî Betheli.

1Sam 4:3

Na rîrîa andû arîa maatigarire maacokire varîa maambîte magema mao, athuuri a Isiraeli nîmaaûranirie atîrî, “Nî ndûî gîatûma Ngai-Mûnene atûrekereria tûvootwe nî Afilisiti ûmûnthî? Tûthiîni tûoce îthandûkû rîa kîrîkanîro rîa Ngai-Mûnene kuuma Shilo tûke narîo gûkû, nîguo tûthiî nake agatûvonokie kuuma kûrî nthû cietû.”