Ndari 10:21 - ÎVUKU RÎA ÛVORO MWARO

²¹ Nao Alawi kuuma mûvîrîgarî wa Kohathu nîo maarûmagîrîra makuuîte indo irîa ntheru. Narîo îgema rîa gûcemanîrua nîrîambagwa rîngî mbere ya makinya.

Ndari 10:21 ပူးပေါင်းရင်းမြစ်များ

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

1Maû 23:24

Ino nîcio njiarwa cia Lawi ta ûrîa maandîkirwe marîîtwa mao kûringana na nyomba ciao na mbarî ciao. Nao maarî atongoria a mbarî ciao. Maandîkirwe andû arîa maarî na ûkûrû wa mîaka mîrongo îîrî na makîria, na maarî na wîra wa gûtungata hekarûrî ya Ngai-Mûnene.

Ndari 1:51

Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 10:17

Îgema nîrîacokaga rîkambûrwa nayo mîvîrîga ya Gerishoni na Merari, arîa maarîkuuaga makambîrîria rûgendo.

Ndari 10:20

Eliasafu mûvîcî wa Deueli aarî mûtongoria wa andû a mûvîrîga wa Gadi.

Ndari 2:17

“Andû a Lawi nîo makaathiî makuuîte îgema rîa Ngai-Mûnene marî gatagatî ga ikundi cia mbere igîrî na cia mûthiia igîrî. Wa gîkundi gîkaathiî kîrûmîrîrîte vendera yakîo wata ûrîa andû mambîte magema mao.

Ndari 4:20

Nwatî andû a mûvîrîga wa Kohathu mangîgaatonya îgemarî rîa gûcemanîrua na mone mûthînjîri-Ngai akîvarîrîria indo irîa nyamûre nîmagaakua.”

Ndari 7:9

Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.