Ndari 10:10 - ÎVUKU RÎA ÛVORO MWARO

¹⁰ Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ndari 10:10 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

1Maû 15:24

Nao athînjîri-Ngai, Shebania, Joshafati, Nethanieli, Amasai, Zekaria, Benaia na Eliezeri nîmaathuurirwe matuîke a kûvuva tûrumbeta marî mbere ya îthandûkû rîa kîrîkanîro. Obedi-edomu na Jehia wanao maarî arangîri a îthandûkû rîa kîrîkanîro.

1Maû 15:28

Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

1Maû 16:42

Hemani na Jeduthuni maarî na wîra wa kûvuva tûrumbeta, kûringithania ithaani, na indo ciîngî irîa ciavûthagîrwa vîndî ya kwina nyîmbo cia gûkumia Ngai-Mûnene. Avîcî a Jeduthuni nîmaathuurirwe matuîke arangîri.

2Maû 29:26

Alawi nîmaarûngamire marî na indo cia kwina cia Daudi, nao athînjîri-Ngai marî na tûrumbeta.

2Maû 29:28

Andû onthe nîmaagocire Ngai-Mûnene, aini makina nyîmbo na tûrumbeta tûkîvuvwa nginya rîrîa matega ma kûvîvua maathirire.

2Maû 7:6

Athînjîri-Ngai nîmaarûngamire varîa maavangîrîtwe marûngame, nao Alawi makîrûngama magîkumagia Ngai-Mûnene na indo cia nyîmbo irîa mûthamaki Daudi aarûthîte makiugaga atîrî, “Wendo wa Ngai-Mûnene ûtathiraga nî wa tene na tene!” Maainire ûguo wata ûrîa maathîtwe nî Daudi. Athînjîri-Ngai maavuvaga tûrumbeta nao andû onthe a Isiraeli marûngamîte.

Ezira 3:10

Vîndî îrîa atumi a hekarû maarîkirie gûtuma mûcingi wayo, athînjîri-Ngai mekîrîte nguo ciao cia ûtungata nîmoocire tûrumbeta. Nao Alawi, ciana cia Asafu nîmoocire ithaani irîa iringithanagua rîrîa andû makwina nyîmbo, na onthe nîmaambîrîrie gûkumia Ngai-Mûnene kûringana na kîrîra kîrîa gîatigirwe nî Daudi mûthamaki wa Isiraeli.

Nehemia 12:35

Nîmaacokete makarûmîrîrwa nî amwe a avîcî a athînjîri-Ngai marî na tûrumbeta. Nao maarî: Zakaria mûvîcî wa Jonathani, mûvîcî wa Shemaia, Shemaia ûrîa wa mûvîcî wa Matania, Matania mûvîcî wa Mikaia, Mikaia mûvîcî wa Zakuri. Acio onthe maarî njiarwa cia Asafu.

Thaburi 150:3

Mûkumieni na mîgambo ya tûrumbeta; mûkumieni na ngita na mîtûrirû.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Thaburi 81:4

Ûcio nîguo watho vûrûrirî wa Isiraeli, watho ûrîa umîte kûrî Ngai wa Jakovu.

Thaburi 89:15

Kûrathimwa nî andû arîa makûgoocaga na nyîmbo, ûtûûraga ûmegucagîra ntha we Ngai-Mûnene.

Ntha 28:29

“Vîndî îrîa Aroni agaatonya vandû varîa vatheru, nîakethîrwa ekîrîte nguo ya kîthûri yandîkîtwe marîîtwa ma avîcî a Isiraeli, nîguo Nie, Ngai-Mûnene ndirikanage andû akwa vîndî cionthe.

Ntha 30:16

Ûkaaûngania mbeca icio kuuma kûrî andû a Isiraeli na ûivûthîre na wîra wa kûmenyerera îgema rîa Ngai-Mûnene. Îrîvi rîu nî rîa kûtheria mîoyo ya andû a Isiraeli nanie nîngaaririkana kûmagitîra.”

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Alawi 23:24

“Îra andû a Isiraeli atî, mûthenya wa mbere mwerirî wa mûgwanja rîrîa tûrumbeta tûkaavuvwa, nî mûkaavurûka na mûgomane vamwe nîguo mûgooce.

Ndari 10:9

Vîndî îrîa mûrarûa na nthû yenyu îrîa îmûthithûkîrîte kûu vûrûrirî wenyu, vuvagani tûrumbeta na vinya mûno. Nie Ngai-Mûnene Ngai wenyu, nîngaamûtethia na nîmûvonokie kuuma kûrî nthû cienyu.

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Ndari 29:1

“Mûthenya wa mbere wa mweri wa mûgwanja, mûgaacemanagia vamwe nîguo mûgooce Ngai-Mûnene. Mûthenya ûcio mûtikarute wîra. Ûcio nî mûthenya wa kûvuva tûrumbeta.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

1Akor 15:52

wa rîmwe ta kûvucia kwa riitho vîndî îrîa karumbeta gakaavuvwa. Vîndî îrîa karumbeta gakaavuvwa, akuû nîmakaariûkua ûndû matagacoka gûkua rîngî na tue tuonthe nîtûkaagarûrûka.

1Ath 4:16

Nîûndû Mwathani nîakaanyûrûka kuuma îgûrû Kîamthanaga augîrîrîtie na mûgambo wa mûraika ûrîa mûnene na karumbeta ka Ngai. Vîndî îo, arîa makeethîrwa maakuire metîkîtie Kristû nîo makamba kûriûka.

1Ath 4:18

Kwoguo ûmanagîrîriani na ciugo ino.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

1Sam 20:5

Daudi nîwacokirie atîrî, “Rûyû nîrîo kûrî na kîrugo gîa karûngamo ka mweri na mbagîrîrwe nî kûrîcanîra na mûthamaki. Nwatî tiga nthiî ngethithe nginya kîvwaî Kîam mûthenya wa kathatû.