Ndari 1:53 - ÎVUKU RÎA ÛVORO MWARO

⁵³ Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 1:53 ပူးပေါင်းရင်းမြစ်များ

1Maû 23:32

Nîmaaveetwe wîra wa kûmenyerera îgema rîa Ngai-Mûnene na hekarû, na gûtethia athînjîri-Ngai arîa maarî njiarwa cia Aroni wîrarî wa hekarû.

2Maû 13:10

“Nwatî tue, Ngai-Mûnene nî Ngai wetû na tûtimûtiganîrîtie. Tûrî na athînjîri-Ngai arîa matungataga Ngai-Mûnene na nîo njiarwa cia Aroni na nîmatethagua nî Alawi.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

Jeremia 23:15

Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Alawi 10:6

Musa nîwacokire akîra Aroni na avîcî ake, Eliazaru na Ithamaru atîrî, “Mûtikarege gûcanûra njuîrî cienyu kana mûtembûrange nguo cienyu atî nîguo mwonanie mûrî na kîeva. Mweka ûguo mûgaakua, na Ngai-Mûnene akaarakara nî andû onthe. Nwatî andû enyu a Isiraeli nwa macakae nîûndû wa ikuû ino ciumanîte na mwaki ûrîa umire kûrî Ngai-Mûnene.

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 1:54

Kwoguo andû a Isiraeli nîmeekire maûndû monthe marîa Musa aathîtwe nî Ngai-Mûnene eke.

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 16:9

Mue nîmwîcî atî Ngai wa Isiraeli aamûthuurire kuuma gatagatîrî ka andû acio engî a Isiraeli na akîmûtua a gûtungata îgemarî rîa Ngai-Mûnene na gûtongoria andû a Isiraeli kûgooca Ngai-Mûnene na njîra îrîa yagîrîrîte. Nî ûndû ûrîkû wîngî mûrenda?

Ndari 17:7

Musa nîwacokire akiga mîragi îo mbere ya Ngai-Mûnene kûu îgemarî rîa gûcemanîrua.

Ndari 2:17

“Andû a Lawi nîo makaathiî makuuîte îgema rîa Ngai-Mûnene marî gatagatî ga ikundi cia mbere igîrî na cia mûthiia igîrî. Wa gîkundi gîkaathiî kîrûmîrîrîte vendera yakîo wata ûrîa andû mambîte magema mao.

Ndari 3:23

Mbarî ya Gerishoni yagîrîrwe nî kwamba magema mao mwena wa îthûîro vuva wa îgema rîa gûcemanîrua.

Ndari 3:29

Andû a mbarî ya Kohathu maambire magema mao mwena wa îveti wa îgema rîa gûcemanîrua.

Ndari 3:35

Andû a mbarî ya Merari maambire magema mao mwena wa rûgûrû wa îgema rîa gûcemanîrua. Mûtongoria wao aarî Zurieli mûvîcî wa Abihaili.

Ndari 3:38

Musa, Aroni na avîcî ake maambire magema mao mwena wa îrathîro wa îgema rîa Ngai-Mûnene. Wîra wao warî wa gûtungata Vandû varîa Vatheru vandûrî va andû a Isiraeli, na mûndû wîngî wa wonthe ûngîageririe kûruta wîra ûcio nîkwa angîaûragirwe.

Ndari 31:30

Kuuma kûrî gîcunjî kîrîa Kîamveerwe andû arîa engî, ocani mûndû ûmwe kuuma kûrî wa andû mîrongo îtano arîa matavîtwe, na gîcunjî wata kîu kuuma kûrî ng'ombe, mvunda, ng'ondu na mbûri, mûinenganîre kûrî Alawi arîa mamenyagîrîra îgema rîa Ngai-Mûnene.”

Ndari 31:47

Musa nîwocire nyamû îmwe na mûndû ûmwe kuuma kûrî wa nyamû mîrongo îtano na andû mîrongo îtano arîa maatavîtwe kuuma kûrî gîcunjî kîrîa Kîamgaîrîtwe andû a Isiraeli na akîva Alawi arîa maamenyagîrîra îgema rîa Ngai-Mûnene. Ûguo nîguo Ngai-Mûnene aathîte Musa eke.

Ndari 8:19

Nîmvecanîte Alawi kûrî Aroni na avîcî ake marî kîveo kuuma kûrî Aisiraeli, nîguo matungatagîre Aisiraeli îgemarî rîa Ngai-Mûnene, na mamagitagîre kûrî thîna ûrîa mangîcemania naguo mangîkuvîrîria varîa vatheru Mûno.”

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.