Ndari 1:3 - ÎVUKU RÎA ÛVORO MWARO

³ arîa marî na ûkûrû wa mîaka mîrongo îîrî na makîria na mangîtuîka athigari a mbaara na mûmagaanie ikundi ikundi.

Ndari 1:3 ပူးပေါင်းရင်းမြစ်များ

2Sam 24:9

Joabu nîwacokire akîva mûthamaki ûvoro wîgiî ûrîa andû onthe meegana. Andû arîa mangîavotire kûthiî mbaararî kuuma kûu Isiraeli maarî andû ngiri magana manana (800,000) nakuo Juda kwarî na andû ngiri magana matano (500,000).

1Maû 5:18

Mîvîrîgarî ya Reubeni, Gadi na Manase ya mwena wa îrathîro kwarî na athigari a mbaara arîa maaicî kûrûa magîtûmagîra ngo, mviû, na mota. Athigari acio onthe maarî ngiri mîrongo îna na inya, na magana mûgwanja ma mîrongo îtandatû (44,760).

2Maû 25:5

Mûthamaki Amazia nîwacokire akîgomania andû a Juda vamwe. Nîwacokire akîgaania andû a Juda na andû a Benjamini ikundi cia athigari a mbaara kûringana na mbarî ciao. Nîwaigire anene a kûrûngamagîrîra ikundi imwe cia athigari ngiri îmwe na ikundi ciîngî cia athigari îgana rîmwe. Nîwatarire arûme onthe arîa maarî na ûkûrû wa mîaka mîrongo îîrî kûthiî na mbere. Nao onthe maarî arûme ngiri magana mathatû (300,000), arîa mangîvota kûrûa na maicî gûtûmîra matumû na ngo.

Ntha 12:17

Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 30:14

Mûndû wa wonthe ûgaatarwa na arî na ûkûrû wa mîaka mîrongo îîrî kûthiî na mbere, nîakaarutîra Ngai-Mûnene matega.

Ntha 38:26

M ûndû wa wonthe watarirwe akinyîtie ûkûrû wa mîaka mîrongo îîrî (20) nîwarutire sîlûva kûringana na kîthimi kîu. Andû acio matarirwe magîkinya andû ngiri magana matandatû ma ithatû na magana matano ma mîrongo îtano (603, 550).

Ndari 14:29

Nîmûgaakua na ciimba cienyu inyagarûke gûkû werûrî. Gûtirî mûndû wanarî ûmwe gatagatîrî ka acio maatarîtwe na warî na ûkûrû wa mîaka mîrongo îîrî na makîria, ûgaatonya vûrûri wa kîîranîro, nîûndû nîmaandetirie.

Ndari 26:2

“Tara andû onthe a vûrûri wa Isiraeli, wa mûndû na nyomba yake. Tara andû arîa marî na ûkûrû wa mîaka mîrongo îîrî kûthiî na mbere, arîa mangîvota kûrûa mbaara.”

Ndari 3:15

atare Alawi na amandîke wa mûndû kûringana na mûvîrîga wake na nyomba yake, kwambîrîria kaana ga kavîcî ga ûkûrû wa mweri ûmwe kûthiî na mbere.

Ndari 32:11

‘Nama gûtirî wanarî mûndû ûmwe wa arîa maaumire Misiri ûrî na ûkûrû wa mîaka mîrongo îîrî kûthiî na îgûrû ûgaatonya vûrûri ûrîa nevîtire atî nîngaava Iburahimu, Isaka na Jakovu, nîûndû nîmaaregire kûmbathîkîra.’

Ndari 33:1

Ûyû nîguo mûtaratara wa marîîtwa ma kûndû kûrîa andû a Isiraeli maambaga magema mao marî rûgendorî rwa kuuma Misiri kûringana na mîvîrîga yao matongoretue nî Musa na Aroni.

Ndari 4:3

Tara andû arîa marî na ûkûrû wa gatagatî ka mîaka mîrongo îthatû na mîaka mîrongo îtano, arîa agîrîru a gûtungata îgemarî rîa Ngai-Mûnene.

Gûco 24:5

“Rîrîa mûndûmûrûme avikania wa rîo, ndagîrîrwe nî kûthiî mbaararî kana kûruta wîra wa wonthe wa mwîngî. Agîrîrwe nî gwîkara mûciî îvinda rîa mwaka ûmwe agîkenagia mûka ûcio avikîtie.

Gûco 3:18

“Vîndî wa îo, nînaamwathire ngîmwîra atî, ‘Ngai-Mûnene, Ngai wenyu nîamûvete vûrûri ûyû ûrî mwena wa îrathîro ûtuîke wenyu. Andû onthe a mbaara nîmoce indo ciao cia mbaara, macoke mathiî marî mbere ya andû acio engî enyu a Isiraeli.