Nahumu 3:7 - ÎVUKU RÎA ÛVORO MWARO

⁷ Andû onthe arîa magakûonaga makaûraga nîwe makiugaga atîrî, ‘Nineve nî njûkangie! Nîûrîkû ûkûmûcakaîra? Nû ûkûmwîguîra ntha?’

Nahumu 3:7 ပူးပေါင်းရင်းမြစ်များ

Isaia 51:19

Nîûnyitîtwe nî maûndû maîrî; namo nî atî: vûrûri waku nîmûcûkangu na nî mwanangîku, yûra na ûragani. Nû ûgaakûvoreria?

Jeremia 15:5

“Nîûrîkû ûgakwîguîra ntha we Jerusalemu? Nîûrîkû ûgagûcakaîra? Nîûrîkû ûkarûngama aûrie ûvoro wa wagîrîru wenyu?

Jeremia 50:18

Nîûndû wa ûguo nie Ngai-Mûnene mwene vinya wonthe Ngai wa Isiraeli, nîngûverithia mûthamaki Nebukadinezarû na vûrûri wake, wata ûrîa naaverithirie mûthamaki wa Asîria.

Jeremia 51:9

Nîtwageririe kûvonia vûrûri wa Babuloni nwatî ndwavona. Tûûtiganîrie tûthiî wa mûndû vûrûrirî wake; nîûndû Ngai nîaverithîtie vûrûri wa Babuloni na vinya wake mûnene; na agaûcûkangia viû.

Maca 2:13

Nîngîkûvoreria atîa? Nîngîkûgerekania na ndûî we mwarî wa Jerusalemu? Nîngîkûvanania na ndûî nîguo mvote gûkûvooreria? We Zayuni ûrî mûnyaka mûno, mîthiro yaku ndîrî mûthiia nîta îria rîrîa rînene. Nû ûngîvota gûkûvonokia?

Nahumu 1:1

Ino nîyo ndûmîrîri îgiî Nineve. Nî îvuku rîa cioneki cia Nahumu mûvîcî wa Elikoshi.

Zefania 2:13

Ngai-Mûnene nîagaatûmîra vinya wake gûcûkangia Asîria. Nîagaatûma îtûûra rîa Nineve rîtuîke rîa gûtiganîrua, îtûûra rîtarî manjî na rîkariî ta werû.

Ndari 16:34

Andû onthe a Isiraeli arîa maarî vau, nîmaaûrire megua kîrîro Kîamo. Maaûrire makiugaga atîrî, “Nthî yavota gûtûmeria wanatue!”

Kûguû 18:10

Nao nîmakaarûngama varaca, nîûndû nîmagetigagîra matikaverithue take. Nao nîmakaauga atîrî, “Uui! Uui! Babuloni îtûûra rîrîa rînene kavinda ka îthaa rîmwe tu nîrîaverithua!”