Nahumu 3:5 - ÎVUKU RÎA ÛVORO MWARO

⁵ Ngai-Mûnene mwene vinya wonthe arauga atîrî, “Nîngûkûverithia we Nineve! Nîngûkûruta nguo wîthîrwe wî njaga, na ndûme andû a mavûrûri moone njaga yaku, na mothamaki moone gîconoko gîaku.

Nahumu 3:5 ပူးပေါင်းရင်းမြစ်များ

Jeremia 13:22

Na ûngîyûria na ngoro atîrî, “Maûndû mama marekîka nîkî, kûrî nie?” Nîûndû wa ûrîa mevia maku mengîvîte, nîkîo gîtûmîte ûkûnjûa nguo, na ûkamenyanwa nawe kîîmwîrî na vinya.

Jeremia 13:26

Nie nîngûkûnja nguo nginya kîongo, na njaga yaku nîîkonekana.

Jeremia 50:31

“Nie Ngai-Mûnene mwene vinya monthe nîrauga atîrî, “We Babuloni wîcûrîtwe nî mwîtîîo! Kwoguo nîngûregana nawe, kavinda gagûkûverithia nîgakinyu.

Ezek 16:37

Kwoguo, nîngaaûngania anyanya aku onthe arîa wekenagia nao, arîa onthe mwanendana nao wana andû arîa ûthûrîte. Nîngaatûma magûkîrîre maumîte na mîena yonthe, na ngûrute nguo nîguo makwone ûrî njaga.

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Ezek 23:25

Nîûndû nîrî na marakara, nîngaatûma magûtuîre marî na mang'ûrîka. Nîmagaagûtinia na rûviû maniûrû na matû, macoke manyite anake na erîtu aku. Nao andû arîa magaatigara matakuîte, nîmakaavîvua na mwaki.

Ezek 23:29

Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Ezek 26:3

“Kwoguo rîu, nie Ngai-Mûnene Ngai mbugîte atî nîndeganîte nawe we Turo. Nîngaatûma ndûrîrî nyîngî ciûke ikûtharîkîre. Magaûka kûrî we ta makûmbî ma manjî ma îriarî.

Mika 1:11

Mue andû a Shafiri, umagarani mûrî njaga na mûconokete, atûûri a Zaanani mûtikaume nja ya îtûûra rîenyu. Andû a Bethezeli nîmararîra, matirî na kûndû gwa kûûrîra.

Nahumu 2:13

“Taroriani, Nie Ngai-Mûnene mwene vinya wonthe, nîngûrûa namue: nîngûvîvia ikaari icio cienyu cia mbarathi, athigari enyu nîmakaaûragîrwa mbaararî, na nîngoca indo cionthe irîa mwocire kuuma kûrî andû engî. Mûgambo wa anjaama enyu ndûkeguîka rîngî.”

Habakuku 2:16

Ûgecûrwa nî guoya vandû va gîtîîo. We mwene nîûkaanyua na ûtûgûgane! Ngai-Mûnene ke mwene nîagaatûma ûrîwe, na nthoni nîigaakunîka gîtîîo gîaku.