Nahumu 2:8 - ÎVUKU RÎA ÛVORO MWARO

⁸ Nineve îkariî ta îria rîrî rîomomoku, andû nîmarauma kuo makaûra. Maugagîrîria atîrî, “Rûngamani! Rûngamani!” Nwatî gûtirî ûcokaga vuva.

Nahumu 2:8 ပူးပေါင်းရင်းမြစ်များ

Kîam 10:11

Kuuma kûu Nimurodi nîwathiîre vûrûrirî wa Asîria agîtuma matûûra ma Nineve, Rehobothi, Iri na Kala.

Isaia 13:14

“Wa mûndû akaavinyûraga ta nthwariga îkîvîtwa, ta ng'ondu itarî na mûrîthi, wa mûndû nîagaacoka kûrî andû ake, na wa mûndû nîakaaûra athiî vûrûrirî wake.

Isaia 38:14

“Ng'ambaga ta cûcû wa njoka, njaaga ta ndutuura. Metho makwa nîmathiru vinya nî kûroria îgûrû. Ûûi Mwathani, nînîrathînîka tuîka mûgitîri wakwa.

Isaia 47:13

Ûtwîre wînogetie mana na mataaro maku meengî. Tiga andû acio mathomaga îgûrû maturî, arîa marî ûûgî wa njata maûke makûvonokie, arîa makûrathagîra wa mweri wa mweri, magakwîra maûndû marîa mageekîka kûrî we.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 59:11

Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.

Jeremia 46:5

“Nwatî nîndûî nîrona? Nîmacokete na vuva. Njamba ciao cia mbaara nî mvoote, na makaûra na îvenya, wana matiraroria na vuva. Guoya wîcûrîte kûndû kuonthe. Ûguo nîguo Ngai-Mûnene arauga.

Jeremia 47:3

rîrîa makegua înegene rîa mavûngû ma mbarathi, înegene rîa ikaari cia mbaara, na mûrurumo wa magûrû ma cio. Methe nîmakaariganîrwa nî ciana ciao, njara ciao ikethîrwa iregerete mûno.

Jeremia 50:16

Mûtikareke andû mavande mbegû vûrûri ûcio wa Babuloni, wana kana makethe vîndî ya maketha. Mûgeni wa wonthe ûrî îtûûrarî rîu nîmûgwate nî guoya; na mûndû nîagaacoka vûrûrirî wake.”

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Jeremia 51:30

Athigari a Babuloni nîmatigîte kûrûa, mekarîte nyombarî ciao cia kwîgitîra; vinya wao nîmûthiru na marî na guoya ta aka. Nyomba ciao nî mvîvie na mwaki, na mîrango yao îkaunangwa.

Nahumu 1:1

Ino nîyo ndûmîrîri îgiî Nineve. Nî îvuku rîa cioneki cia Nahumu mûvîcî wa Elikoshi.

Nahumu 3:17

Anene aku nîta mvandi, irîa ciîkaraga nthingorî, atongoria aku nîta ikundi cia ngige ciûmbîrîrîte rûthingorî, mûthenya ûrîa kûrî mvevo, nwatî rîrîa riûa rîara nîigûrûkaga, na gûtirî mûndû ûmenyaga kûrîa ciathiî!

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.