Nahumu 2:5 - ÎVUKU RÎA ÛVORO MWARO

⁵ Anene nîmetagwa vamwe, na nîmavîngagwa rîrîa makîthiî. Mathiîcaga rûthingorî marûmanîrîrîte, kûvarîrîria kîndû gîa kûvingîrîria.

Nahumu 2:5 ပူးပေါင်းရင်းမြစ်များ

Isaia 21:5

Îruga rînene nîrîavarîrîrue, metha igatandîkwa, na andû makîrîa na makînyua. Wa rîmwe mûgambo nîwaugire atîrî, “Ûkîrani mue athamaki! Varîrîriani ngo cienyu!”

Isaia 5:27

Gûtirî wanarî mûndû ûkaanoga kana avîngwa; gûtirî ûkaagocerera kana amame, gûtirî mûndû ûkethîrwa na mûcivi mûregerû kîûnûrî; na gûtirî ûkethîrwa na rûrigi rwa kîratû rûtuîku.

Jeremia 46:12

Mavûrûri nîmeguîte gîconoko kîenyu, na nthî îcûrîtwe nî kîrîro kîenyu; nîûndû athigari njamba maravîngîcana o ene kwa ene; onthe vamwe nîagwîu.

Jeremia 50:29

Îrani andû arîa marûaga na mîguî makatharîkîre Babuloni. Rigicîriani îtûûra rîu na mûtikareke mûndû wana ûmwe ethare. Rîverithieni kûringana na ciîko ciarîo, mûrîke wata ûrîa rîkîte mavûrûri marîa mengî, nîûndû rîthîrîtwe rîkînyarararithie Ngai-Mûnene Ûrîa Mûtheru wa Isiraeli na mwîtîîo warîo.

Nahumu 2:6

Ivingo cia nyûnjî nî mvingûre, nyomba ya mûthamaki îcûrîte guoya.

Nahumu 3:18

We mûthamaki wa Asîria, arîthi aku nîkwa mamamîte, andû aku arîa marî îgweta nîkwa nîmaragocerera. Andû aku manyaganîtie irîmarî, na gûtirî mûndû wa kûmacokanîrîria.

Nahumu 3:3

Arîa mathiîcaga mekarîrîte mbarathi nîmaratharîkîra, mviû na matumû nîiravenavenia; arîa maûragîtwe matingîtarîka, ciimba nî nyîngî mûno; andû maravîngîcwa nî arîa akuû!

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.