Nahumu 2:10 - ÎVUKU RÎA ÛVORO MWARO

¹⁰ Îtûûra rîa Nineve nîrîomomore na rîgacûkangua viû! Andû matirî na vinya ngoro na maru nîmakovovoku, vinya nî nthiru, mothiû mao makathita.

Nahumu 2:10 ပူးပေါင်းရင်းမြစ်များ

Kîam 1:2

Nayo nthî ndîarî ûrîa yekariî, na ndîarî na kîndû. Manjî meengî maakunîkîrîte kûndû kuonthe, nayo nduma yarî kûndû kuonthe. Vinya wa Ngai nîguo warî îgûrû rîa manjî mau.

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Isaia 14:23

Nîngaatûma îtûûra rîu rîtuîke rîa gûtûûrwa nî Tûtiti, na rîtuîke maria ma manjî. Ngaathiria indo cionthe Babuloni gwîkare ta kûvatîtwe na kîvati. Nie Ngai-Mûnene mwene vinya wonthe, nînie nauga ûguo.”

Isaia 21:3

Maûndû marîa noonire na ngîgua nîmaatûmire mbîgua ûrûrû mûno, nîrî mwîcûre nî ûrûrû mwîngî, ûrûrû ta wa mûndûmûka agîciara. Nînîratuurwa mûno nginya ngaremwa nî kwîgua, nîrî mûmaku mûno nginya ngaremwa nî kwona.

Isaia 24:1

Taroria, Ngai-Mûnene nîakûthiria nthî na îtigwe îrî ntheri. Akaamîng'aûrania anyaganie arîa matûûraga kuo.

Jeremia 30:6

Rîu ta îyûrieni na mwîcirie: mûndûmûrûme nwa aciare mwana? Nîndûî kîratûma mone wa mûndûmûrûme, aigîrîrîte njara îvu ta mûndûmûka arî na ûrûrû wa gûciara? Nîndûî gîtûmîte mothiû ma andû onthe mathite?

Jeremia 49:23

Ûvoro wîgiî Damesiki Ngai-Mûnene arauga atîrî, “Andû a matûûra ma Hamathi na Aripadi nîmamakîte, nîûndû nîmeguîte maûndû macûku. Marainaina nî guoya, ta îria rîkinaiana, na rîtingîvorera.

Jeremia 51:62

na uge atî, ‘Ngai-Mûnene, we mwene nîwe uugîte nîûgûcûkangia kûndû gûkû, nîguo gûtikanacoke gûtûrwa nî andû rîngî wana kana nyamû, nwatî gûgatuîka werû tene na tene.’

Jeremia 8:21

Andû akwa marî ativie wananie nîrî mûtivie ngoro, nîracakaya na ngathirwa nî vinya viû.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Ezek 31:15

Ngai-Mûnene arauga atîrî, “Mûthenya ûrîa mûtî ûcio wa mûtarakwe ûkaathiî kwa arîa akuû, nîngaatûma ûcakaîrwe. Nîngaacoka ngirie nyûnjî na maria iwîtîrîria manjî. Mûtî ûcio nîûkaaûma nakîo kîrîma Kîam Lebanoni nîgîkaagîa nduma nayo mîtî yonthe îrîa îrî mûgûndarî nîkaûma nîûndû waguo.

Danieli 5:6

Mûthamaki nîwatukirie kîthithi, akîvavûka, akinaina na akîthirwa nî vinya.

Joeli 2:6

Wa ûrîa magûkuvîvîria andû maragwatwa nî guoya, mothiû mao magatuka nî guoya.

Nahumu 2:2

(Ngai-Mûnene arî vakuvî gûcokeria Jakovu riiri wake, cokerie andû a Isiraeli riiri ûrîa maarî naguo mbere ya matharîkîrwa nî nthû, na mbere ya macûkangia nvûa ciaguo. Nwatî nîakûmacokeria vinya wao na riiri.)

Nahumu 3:7

Andû onthe arîa magakûonaga makaûraga nîwe makiugaga atîrî, ‘Nineve nî njûkangie! Nîûrîkû ûkûmûcakaîra? Nû ûkûmwîguîra ntha?’

Zefania 3:6

Ngai-Mûnene arauga atîrî: “Nînjûkangîtie mavûrûri monthe; nînjûkangîtie matûûra ma kuo na ngatiga nthingo ciakuo irî njûkangie. Matûûra ma kuo nîmatiganîrie; tûcîra tûtigîtwe tûtarî mûndû.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.

Josh 7:5

Andû a Ai nîmaavinyûririe athigari a Isiraeli kuuma mîvîrîgarî ya îtûûra na nîmaamaunûkithirie karîma nginya kûrîa kwenjagwa mathiga na nîmaaûragire athigari a Isiraeli mîrongo îthatû na atandatû. Andû a Isiraeli nîmaagwatirwe nî guoya na magîtigîra.