Nahumu 1:6 - ÎVUKU RÎA ÛVORO MWARO

⁶ Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Nahumu 1:6 ပူးပေါင်းရင်းမြစ်များ

1Atha 19:11

Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

Ayubu 26:11

Itugî irîa inyitîrîrîte îgûrû nîcinainaga, na igatetema rîrîa Ngai aigûkia.

Ayubu 40:11

Îtûrûrîra andû marakara maku manene, roria arîa onthe etîi na ûmagwîthie.

Ayubu 9:5

Nîke ûthengutagia irîma îtakûmenya, na akaing'aûrania arî na marakara.

Thaburi 130:3

Kethîrwa we Ngai-Mûnene nwa ûririkane mevia metû, nû ûtangîverithua nîwe?

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Thaburi 76:8

Nîwamenyithanirie îtuîro rîaku ûrî îgûrû; nthî nîyetigîrire na îgîkira,

Thaburi 90:11

Nîûrîkû ûngîmenya vinya wa marakara maku? Nû wicî guoya îrîa yumanaga na marakara maku?

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 13:13

Kwoguo nîngaatûma îgûrû rinaine, na nthî nîkaathingitha yume vandû va yo, mûthenya ûrîa nie, Ngai-Mûnene mwene vinya wonthe, ngonania marakara makwa manene.

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Maca 2:3

Nîûndû wa marakara nîanyaganîtie vinya wonthe wa Isiraeli, nîwaregire gûtûtethia rîrîa twathithûkîîrwe nî nthû, akanîte kûrî andû a Juda ta mwaki mûnene mûno.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Maca 4:11

Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 30:16

Nîngaakia mwaki vûrûri wa Misiri. Nîgûkaagîa na ruuo rûnene Pelusiumu. Thebesi nîîkomomorwa na îtûûra rîa Mefisi rîtharîkîrwe nî nthû mûthenya.

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Ezek 7:8

“Kavinda gatarî karaca nîngûmwîtûrûrîra marakara makwa. Nîmûtuîre ciira kûringana na mîthiîre yaku, na nîûgacokererwa nî maûndû menyu monthe macûku.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Zefania 2:2

mbere ya mûgûrûkue ta macaki makîgûrûkua nî rûkûngi, mbere ya marakara ma Ngai-Mûnene maûka kûrî mue, mbere ya mûkinyîrwa nî mang'ûrîka ma Ngai-Mûnene.

Malaki 3:2

Nwatî nîûrîkû ûkavota kûmîrîria mûthenya ûrîa agaûka? Nîûrîkû ûkaûmîrîria vîndî îrîa akeyumîria? Nîûndû ke ekariî ta mwaki mûnene ûrîa ûtheragia cuuma, kana ta thabuni îrî na vinya îrîa îthambagia nguo ikathera mûno.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Kûguû 16:1

Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”

Kûguû 16:8

Nake mûraika wa kana nîwetûrûrire kîrîa Kîamrî mbakûrirî yake riûarî. Narîo riûa nîrîaverwe rûtha rîvîvie andû na ûrugarî warîo.

Kûguû 6:17

Nîûndû mûthenya wao Mûnene wa marakara nîmûkinyu. Nû ûngîvota kûmîrîria îverithania rîu?”