Nahumu 1:5 - ÎVUKU RÎA ÛVORO MWARO

⁵ Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Nahumu 1:5 ပူးပေါင်းရင်းမြစ်များ

2Sam 22:8

Nthî nîyacokire îkîthingitha, itina cia matuurî nîciainainire na ikîthingitha, nîûndû Ngai aarî mûrakaru!

Ayubu 26:11

Itugî irîa inyitîrîrîte îgûrû nîcinainaga, na igatetema rîrîa Ngai aigûkia.

Ayubu 9:5

Nîke ûthengutagia irîma îtakûmenya, na akaing'aûrania arî na marakara.

Thaburi 104:32

Aroragia nthî îkainaina, anyitaga irîma ikauma ndogo.

Thaburi 114:4

Irîma ciarûgarûgaga ta ndûrûme, tûrîma twarûgarûgaga ta tûgondu!

Thaburi 114:6

Mue irîma, mwarûgarûgaga ta ndûrûme nîkî? Mue tûrîma, mwarûgarûgaga ta tûgondu nîkî?

Thaburi 18:7

Nthî nîyagîre na kîthingithia na îkinaina, itina cia irîma wana cio nîciainainire, nîûndû Ngai aarî mûrakaru.

Thaburi 18:8

Ndogo yaumagîrîra maniûrûrî make, rûrîrîmbî rwa mwaki wa gûcûkangia rwaumagîrîra kanyuarî gake; na makara ma mwaki nîmaaumaga kûrî ke.

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 68:8

nthî nîyathingithire na mbura îkiura kuuma îgûrû, nîûndû Ngai wa Sinai nîwaûkire, nîûndû Ngai wa Isiraeli nîwaûkire.

Thaburi 98:7

Îria na nyamû cionthe irîa itûûraga kuo nîciugîrîrie; nthî na arîa onthe matûûraga kuo, nîmaine.

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Isaia 24:1

Taroria, Ngai-Mûnene nîakûthiria nthî na îtigwe îrî ntheri. Akaamîng'aûrania anyaganie arîa matûûraga kuo.

Isaia 24:20

Nthî îratûgûgana ta mûrîu wa njovi, îrainaina ta îgema. Mevia mayo nîmamîritûvîrîte mûno; îkagwa na ndîkaarûngama rîngî.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 4:24

Nînaroririe irîmarî na ngîona ikinaina, wana tûrîma tuonthe tûkinaina.

Ezek 38:20

Nthamaki irî îriarî, iconi irîa igûrûkaga na nyamû cia kîthakarî, ciûmbe irîa ikurumaga na andû onthe a nthî, nîmakaainaina mamona. Irîma nîikomomorwa, nguva nîikomomoka na nthingo cionthe igwe nthî.

Joeli 2:10

Nthî nîîratetema mbere yao îgûrû nîrîrainaina. Riûa na mweri nîiratuîka nduma, nacio njata nîitigîte kûruta ûtheri.

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Zakaria 4:7

Gûtirî kîndû gîgaakûrigîrîria wana kîethîrwa kîrî kînene ta kîrîma, nwatî nîgîkaavaraganua. We nîûgatuma hekarû rîngî, na ûkîmîrîkia andû nîmakaugîrîria atîrî, “Nî mbaro! Nî mbaro!”

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 27:51

Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga.

Mathaayo 28:2

Na wa rîmwe nîkwagîre na kîthingithia kînene. Nake Mûraika wa Mwathani nîwanyûrûrûkire kuuma îgûrû, akîvingiritia îthiga na akîrîkarîra.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 6:14

Narîo îgûrû nîrîekûnjire ta îvuku rîa gîkûnjo na rîkîthirîkîra. Nacio irîma cionthe na icîgîrîra nîciathengutirue varîa ciethagîrwa irî.

Atir 5:5

Irîma nîciainainire mbere ya Ngai-Mûnene wa Sinai, mbere ya Ngai-Mûnene, Ngai wa Isiraeli.