Nahumu 1:2 - ÎVUKU RÎA ÛVORO MWARO

² Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Nahumu 1:2 ပူးပေါင်းရင်းမြစ်များ

Ayubu 20:23

Nî arîe ecûrie nda taka, agakinyîrwa nî marakara manene ma Ngai, mamwîtîkîre ta irio ciake.

Thaburi 94:1

We Ngai-Mûnene, wî Ngai wîrîvagîrîria; We Ngai ûrîa wîrîvagîrîria, wîyonanie!

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 34:14

“Mûtikaagooce Ngai wîngî, nîûndû Ngai-Mûnene ûrîa rîîtwa rîake arî ‘Wîru’, nî Ngai ûrî wîru.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 42:13

Ngai-Mûnene aumagarîte ta njamba îrî vinya, evarîrîtie kûrûa ta mûthigari arî mbaararî. Nîaraugîrîria, aranîrîra na mûgambo mûnene, na nîareyonania arî na vinya gûkîra nthû ciake.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Jeremia 25:15

Ngai-Mûnene, Ngai wa Isiraeli aambîrire atîrî, “Oca gîkombe gîkî Kîam ndivei kuuma njararî yakwa gîcûrîte marakara makwa, ûkîvire mavûrûrirî marîa ngûgûtûma, na ûmanengere manyue.

Jeremia 28:8

Arathi arîa maarî kuo mbere yaku na mbere yakwa mavinda ma tene, nîmaarathire atî mbaara, yûra na mîrimû nîgaûka kûrî mavûrûri meengî na mothamaki marî vinya.

Jeremia 3:5

We nîûtûûra ûndakarîrîte tene na tene, nîûtûûra ûrî na mang'ûrîka tene tene? Isiraeli ûguo nîguo we ûraugire, nwatî nîwîkîte mevia monthe marîa ûngîavotire gwîka.”

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Jeremia 50:15

Riugîrîrieni na mîena yonthe, îtûûra rîa Babuloni nîrîvecanîte; nthingo ciarîo nînyomomore. Nîûndû nie Ngai-Mûnene nîkwa nîrerîvîrîria, wana mue îrîvîrîrieni; mekeni wata ûrîa wanao meekire mavûrûri marîa mengî.

Maca 4:11

Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Ezek 36:6

“Kwoguo we mûndû, vecana ûrathi wîgiî vûrûri wa Isiraeli. Îra irîma na tûrîma na wîre tûrûnjî na cianda ûrîa nie Mwathani Ngai-Mûnene ngûmera. Nîrî na marakara marî na wîru nîûndû wa ûrîa maconorithîtue nî mavûrûri mengî.

Ezek 38:18

Mwathani Ngai-Mûnene arauga atîrî, “Mûthenya ûrîa Gogu akaatharîkîra vûrûri wa Isiraeli, nie nîngaarakara.

Ezek 38:19

Nîrî na wîru na marakara meengî nîmanîrîra atî mûthenya ûcio nîgûkaagîa na kîthingithia kînene vûrûrirî wa Isiraeli.

Ezek 39:25

Kwoguo Mwathani Ngai-Mûnene augîte atîrî, “Rîu nîngwîguîra andû a Jakovu ntha, na nîo andû a Isiraeli na ndûme mathatûkwe rîngî. Nîngaatûma rîîtwa rîakwa rîtheru rîvecagwe gîtîîo.

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Joeli 2:18

Ngai-Mûnene nîwacokire akîonania wendo wa vûrûri wake, na akîguîra andû ake ntha.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Mika 5:15

Nîûndû wa marakara makwa meengî, nîngaaverithia mavûrûri marîa mataambathîkîra.”

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Zakaria 1:14

Kwoguo mûraika ûcio nîwambîrire atîrî, “Anîrîra uge atî Ngai-Mûnene mwene vinya wonthe arî na wendo mwîngî mûno wa Jerusalemu na Zayuni.

Zakaria 8:2

“Mbîthîrîtwe nîrî na wîru wa îtûûra rîa Zayuni nîûndû wa ûrîa nîrîendete, wendo mûnene mûno warîo ûrîa ûtûmîte mbakanwe nî marakara nîûndû wa mavûrûri marîa mengî.

Ndari 25:11

Finehasi, mûvîcî wa Eliazaru wa Aroni mûthînjîri-Ngai, nîwathiria marakara makwa kûrî andû a Isiraeli. Finehasi nîwareganire na ûvoro wa kûgooca ngai îngî tiga nie. Kîu nîkîo kîgiririe njûkangia andû a Isiraeli onthe narakara.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

Aroma 13:4

Nîûndû ke nî ndungata ya Ngai na arutaga wîra nîûndû wa wagîrîru waku. Nwatî ûngîka naaî, mwîtigîre nîûndû ke ethagîrwa arî na ûvoti wa kûverithia mûndû. Ke nî ndungata ya Ngai ya kûverithia arîa mekaga naaî.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Gûco 7:10

Nwatî nîakaaverithia arîa mamûmenete na amacûkangie.

Ahib 10:30

Tue nîtwîcî ûrîa waugire atîrî, “Kwîrîvîrîria nî gwakwa, nie nîngerîvîria,” na agîcoka akiuga, “Mwathani nîke ûgaatuîra andû ake.”

Josh 24:19

Nwatî Joshua nîwerire andû a Isiraeli atîrî, “Mue nwa mûremwe nî gûtungatîra Ngai-Mûnene nîûndû ke nî Ngai Mûtheru na arî wîru. Ndakaamûrekera mevia menyu,

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.