Mûvunjia 9:9 - ÎVUKU RÎA ÛVORO MWARO

⁹ Îîkenagie ûtûûrorî na mûndûmûka ûrîa wendete kavinda karîa Ngai akûvete ûtûûre gûkû nthî. Ûguo nîguo wavangîrwe wîrarî waku wonthe ûrîa ûrutaga gûkû nthî.

Mûvunjia 9:9 ပူးပေါင်းရင်းမြစ်များ

Kîam 26:8

Isaka ekaranga kûu, Abimeleki mûthamaki wa Afilisiti nîwarorererie na ndirica na akîona Isaka akîarara mûka Rebeka.

Thaburi 144:4

Mûndû nîta mîvevû; ûtûûro wake ûvana ta kîruru kîvîtûkîte.

Thaburi 39:5

Nîmbicî atî, ûtûûro wakwa nî mûkuvî mûno! Ûtûûro wakwa tî ta kîndû mbere yaku. Nama, mûndû wa wonthe nî ta mîvevû.

Nthi 18:22

Mûndû agîte na mûka nîagîcaga na kîndû Kîamro; na Ngai-Mûnene nîakenagua nîke.

Nthi 19:14

Mûndû nwa agae indo na nyomba kuuma kûrî aciari, nwatî mûndûmûka mûûgî avecanagwa nî Ngai-Mûnene.

Mûvunjia 2:10

Nînaagîre na kîndû wa kîonthe kîrîa nendaga, na nînageririe mîthemba yonthe ya ikeno. Nînetîîagîra mawîra monthe marîa narutire, na ûcio nîguo warî mûcara wa wîra wakwa.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Mûvunjia 3:13

Andû magîrîrwe nî kûrîa na kûnyua na gwîkenia na indo irîa macarîtie nîûndû indo icio nî Ngai ûmavete.

Mûvunjia 3:22

Nînaacokire ngîmenya atî ûndû ûrîa mwaro mûno mûndû angîka nî gwîkenia na indo irîa acarîtie nîûndû ûguo nîguo avangîrîtwe. Gûtirî mûndû ûngîmenya ûrîa gûgekara arîkia gûkua.

Mûvunjia 5:18

Ûndû ûrîa monete ûrî mwagîrîru na mwaro wa gwîka, nî kûrîa na kûnyua na gwîkenia na indo cionthe irîa mûndû arutîrîte wîra kavinda kanini karîa mûndû agûtûûra gûkû nthî, nîûndû ûguo nîguo Ngai aamûvangîre.

Mûvunjia 6:12

Nû wicî maûndû marîa mûndû agîrîrwe nî kwîthîrwa namo kavinda kanini karîa mûndû agûtûûra mwoyo, ûtûûro ûrîa ûvîtûkaga ta kîruru na ûtarî vata? Nî ûrîkû gûkû nthî wicî maûndû marîa mûndû akaagîa namo akua?

Mûvunjia 7:15

Ûtûûrorî wakwa mûnini nîmonete maûndû monthe. Mûndû mûthingu nîakucaga wana ethîrwa nî mûthigu, na kûrî mûndû mwaganu ûtûûraga kavinda karaca wana ethîrwa nî mwaganu.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.