Mûvunjia 9:5 - ÎVUKU RÎA ÛVORO MWARO

⁵ Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Mûvunjia 9:5 ပူးပေါင်းရင်းမြစ်များ

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

Ayubu 14:21

Ke ndamenyaga rîrîa ciana cia aka ikûvewa gîtîîo, na ndonaga rîrîa makûnyivua.

Ayubu 30:23

Nîmbicî atî ûmvirîte gîkuûrî, kûrîa andû arîa marî mwoyo mathiîcaga.

Thaburi 109:15

Ngai-Mûnene aroririkanaga mevia mao vîndî cionthe, nwatî o maroriganîra viû gûkû nthî!

Thaburi 6:5

Kwa arîa akuû gûtirî mûndû ûngîkûririkana; nû ûngîgûkumia arî kwa arîa akuû?

Thaburi 88:13

Nwatî we Ngai-Mûnene, nîwe ngaagîra; nîngûvoyaga wa kîraûko.

Mûvunjia 1:11

Gûtirî mûndû ûririkanaga maûndû marîa meekîkire tene, kana ûkaaririkana maûndû marîa mageekîka vuvarî.

Mûvunjia 2:16

Nîûndû gûtirî mûndû ûririkanaga mûndû mûûgî kana kîrimû. Vuvarî tuonthe mûndû mûûgî wana kîrimû nîtûgaakua na tûriganîre.

Mûvunjia 7:2

Nî kava kûthiî kûrîa andû maracakaya gûkîra kûthiî kîrugorî, nîûndû mûthiiarî andû arîa marî mwoyo nîmagîrîrwe nî kûmenya atî tuonthe nîtûgaakua.

Mûvunjia 8:10

Nînacokire ngîona andû arîa aganu makîthikwa. Nao nîmaatonyaga na makauma vandû varîa vatheru, na nîmaakumagua matûûrarî marîa meekaga maûndû ma waganu. Ûcio wanaguo nî wîra wa mana.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Mûvunjia 9:4

Nwatî mûndû wa wonthe wînyitithanîtie na andû arîa onthe marî mwoyo arî na kîîrîgîrîro, nîûndû nîkava ngui îrî mwoyo gûkîra mûnyambû mûkuû.

Isaia 26:14

Andû acio nîmaakwire na matigaatûûra mwoyo rîngî; nîmatuîkîte iruru na matikaariûka. We nîwe wamaverithirie na ûkîmathiria, na gûtirî mûndû ûkaamaririkana rîngî.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Luka 20:32

Na mûthiiarî mûndûmûka ûcio wa nake nîwakuire.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.