Mûvunjia 9:16 - ÎVUKU RÎA ÛVORO MWARO

¹⁶ Nwatî mbugaga atî nî kava ûûgî gûkîra vinya wana ethîrwa ûûgî wa mûthîni nîwiragwa na ciugo ciake itirûmagîrîrwa.

Mûvunjia 9:16 ပူးပေါင်းရင်းမြစ်များ

Nthi 10:15

Gîtonga kîgitagîrwa nî ûtonga wa kîo; mûthîni acûkangagua nî ûthîni wake.

Nthi 21:22

Mûndû mûûgî nwa anyite îtûûra rînene rîgitîrîtwe nî andû marî vinya, na nwa omomore nthingo irî na vinya irîa andû acio mevokete imagitîre.

Nthi 24:5

Kûgîa na ûûgî nî waro gûkîra kûgîa na vinya, nama, ûmenyo nî mwaro gûkîra vinya.

Nthi 8:14

Nîrî ûtaaro na nîrî ûûgî mwîngî, nîrî ûtaûku na vinya.

Mûvunjia 10:10

Ethîrwa îthanwa rîrîa ûratema narîo nî rîtuvu, nwanginya ûtûmîre vinya nyîngî nîguo rîteme, nwatî ûûgî nî ûgunaga mûndû.

Mûvunjia 7:12

Kûgitîrwa nî ûûgî nîta kûgitîrwa nî mbia. Umithio wa ûmenyo nî atî ûûgî nîûgitagîra mûndû ûrîa ûrî naguo.

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.