Mûvunjia 9:12 - ÎVUKU RÎA ÛVORO MWARO

¹² Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Mûvunjia 9:12 ပူးပေါင်းရင်းမြစ်များ

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Nthi 24:22

Nîûndû thîna nîûkaauma kûrî o wa rîmwe, na ûthirie arîa maregaga kûmathîkîra.

Nthi 29:6

Mûndû mûcûku anyitagwa nî mevia make ke mwene, nwatî mûndû mûthingu ainaga arî na gîkeno.

Nthi 6:15

Kwoguo mînyamaaro îkaamwîthîrîria wa rîmwe, agaacûkangua wa rîmwe athire.

Mûvunjia 3:19

Mûrigîrîrio wa mûndû na wa nyamû nî ûmwe. Wa ûrîa andû makucaga nwaguo nyamû ikucaga. Andû wana nyamû mavevaga rîera ûndû ûmwe na mûndû tî mwaro gûkîra nyamû, nîûndû kûrî andû wana nyamû ûtûûro nî wa mana.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Mûvunjia 8:8

Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.

Mûvunjia 9:13

Nînamenyire kîonereria kîngî Kîam ûûgî gûkû nthî, na kîonekaga kîrî Kîam vata mûno.

Isaia 24:18

Mûndû ûrîa ûkaaûra nî înegene, akaagwa îrimarî rîu; nake ûrîa ûkaauma îrimarî, akaagwatwa nî mûtego. Nîûndû ndirica cia îgûrû nî mvingûre, nayo mîcingi ya nthî nîîrainaina.

Isaia 30:13

kwoguo mevia nîmamûretera mûthiro, ta mwatûka wa rûthingo rûraca na îgûrû, rûkaagwa wa rîmwe.

Ezek 32:3

Nie Ngai-Mûnene Ngai mbugîte atî nîngaagwikîria neti andû eengî magomanîte na nîmagaakûruta manjîrî.

Hosea 7:12

Makîthiî nîngamatandîkîra neti yakwa îmagwate, nîngamagûîthia nthî ta iconi cia rîerarî, nîngamaverithia kûringana na wîvia wao.

Hosea 9:8

Mûrathi nî mûrangîri wa Efiraimu, andû a Ngai wakwa, Nwatî wa kûrîa kuonthe akathiî ethagîrîria aigîrîtwe mûtego ta wa gîconi, wana nîmûmene nyombarî ya Ngai wake.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Luka 12:39

Nwatî mue mwagîrîrwe nî kûmenya atî kethîrwa mwene mûciî nîwecî vîndî îrîa mwîi agaaûka ndangîarekererie mwîi ûcio avunje nyomba yake.

2Akor 6:2

Ngai augîte atîrî: “Rîrîa kavinda gaakinyire gakwa ga gûgwîka waro nie nînaakwîguire; rîrîa mûthenya wakinyire wakwa wa gûkûvonokia nie nînaagûtethirie.” Tathikîrîria! Gaka nîko kavinda karîa kagîrîru, ûmûnthî nîguo mûthenya wa kûvonokua!

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

2Pet 2:12

Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.