Mûvunjia 9:10 - ÎVUKU RÎA ÛVORO MWARO

¹⁰ Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Mûvunjia 9:10 ပူးပေါင်းရင်းမြစ်များ

Kîam 37:35

Anake ake onthe vamwe na erîtu nîmaageririe kûmûmîrîria; nwatî Jakovu nîwaregire kûmîrîrua, na akiuga atîrî, “Nî kava ngue na nthiî kûrîa akuû mathiîcaga wa ngîcakaagîra mûvîcîwa.” Kwoguo Jakovu nîwathiîre na mbere gûcakaîra mûvîcî Josefu.

1Maû 22:19

Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

Nehemia 2:12

Gûtirî mûndû wanarî ûmwe nerire ûrîa Ngai aambîrîte mbîke nîûndû wa Jerusalemu. Ûtukû gatagatî nînaûkîrire na ngiuma nja na ngîthiî ngîta arûme anini arîa twethagîrwa tûrî vamwe nao. Nyamû îrîa twathiîre nayo nwa mvunda îrîa naathiîte mbîkarîrîte.

Nehemia 4:2

Nîwaririe arî mbere ya aa mûrwang'ina na mbere ya mbûtû ya athigari a Samaria akiuga atîrî, “Ayahudi aya matanarî na vinya mareka atîa? Marenda gûtuma rûthingo rîngî? Mareciria na njîra ya kûrutîra Ngai magongoona nwa mavote kûrîkia wîra ûcio na mûthenya ûmwe? Nwa mavote gûcokia mathiga ma gûtuma ûrîa meekariî kuuma ciûmbwarî ino maaûmbirwe mavîvua?”

Nehemia 4:6

Kwoguo nîtwatumire rûthingo rîngî na rûgîkinya nuthu ya ûraca waruo kûthiî na îgûrû nîûndû andû maarî na wendo wa kûruta wîra.

Ayubu 10:21

mbere ya nthiî kûrîa ndagaacoka rîngî, vûrûri ûrî îvooru na nduma ndumanu.

Ayubu 10:22

Vûrûri ûrî îvooru na ûtarî na mîvango, na ûtheri wakuo nîta nduma.”

Ayubu 21:13

Matûûraga mûtûûrîre wa thayû, na makucaga matarî na thîna.

Thaburi 6:5

Kwa arîa akuû gûtirî mûndû ûngîkûririkana; nû ûngîgûkumia arî kwa arîa akuû?

Nthi 3:28

Ndûkere mûndû wîngî agaaûka rûyû, nîguo ûmûnengere kîndû, angîthîrwa nwa ûmûnengere ûmûnthî.

Mûvunjia 11:3

Rîrîa matu ma mbura maritûva, mbura nîyuraga, mûtî ûngîgwa ûroretie mwena wa îveti kana wa rûgûrû, varîa wagwa nwavo wîkaraga.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Isaia 38:10

Nînaugire atîrî, “Nwanginya ngue vîndî ya wîthî wakwa, Mvangîrîtwe kûthiî kwa arîa akuû mîaka îo îngî ya ûtûûro wakwa.

Jeremia 29:13

Nîmûkaanjaria na mûmone, rîrîa mûkanjaria na ngoro yenyu yonthe,

Ndari 13:30

Kalebu nîwakiririe andû arîa maanegenaga marî mbere ya Musa. Nîwamerire atîrî, “Tue tûrî na vinya wa kûvoota andû arîa marî vûrûrirî ûcio. Kwoguo tûthiîni tûûtharîkîre rîu na tûwoce ûtuîke wetû.”

Mathaayo 20:7

Nao nîmaamûcokerie atîrî, ‘Gûtirî mûndû ûtûveere wîra.’ Nake nîwamerire atîrî, ‘Wa namue thiîni mûkarute wîra mûgûndarî wakwa.’

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 5:4

nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.]

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 16:10

Timotheo aûka kûrî mue, geriani kwona atî nîwekarania namue atarî na guoya nîûndû araruta wîra wa Mwathani wata ûrîa ndutaga.

1Akor 9:24

Nie nîrî na ma nîmwîcî atî avinyûri eengî marî îvenyarî makîvinyûra nî ûmwe tu gatagatîrî kao wamûkagîra kîveo. Kwoguo vinyûrani nîguo wa namue mûkaamûkîra kîveo.

1Akor 9:26

Kwoguo mvinyûraga nîrî na mworoto. Nie mbîthagîrwa mbîkariî ta mûrûi na ngundi ûrîa wikagia ngundi atakûvîtia.

Aefeso 5:16

Kanya wa konthe karîa mûrî nako kavûthagîreni waro, nîûndû mîthenya îno nî mîcûku.

Akol 3:23

Ûndû wa wonthe ûrîa mûgekaga, wîkageni na wendi takwa mûrarutîra Mwathani wîra nwatî tî andû.

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.