Mûvunjia 8:8 - ÎVUKU RÎA ÛVORO MWARO

⁸ Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.

Mûvunjia 8:8 ပူးပေါင်းရင်းမြစ်များ

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

2Atha 7:15

Arûme acio nîmaathiîre Jorodani na makîona nguo inyagarûkîte njîrarî na indo ciîngî irîa andû a Sîria maatecaga maûrîte. Ndungata icio nîciacokire rîngî na ikîra mûthamaki ûvoro ûcio.

Ayubu 14:5

Mîthenya ya mûndû gûtûûra mwoyo nî mîtare, na nîwicî mîeri îrîa agûtûûra mwoyo; na ndangîvîtûkia îvinda rîrîa ûmwigîrîte rîa gûtûûra.

Ayubu 34:14

Ethîrwa Ngai nwa ecirie ke mwene; athengutia mîvevû yake gûkû nthî,

Thaburi 89:48

Nî mûndû ûrîkû ûngîtûûra mwoyo na ndakue? Nî mûndû ûrîkû ûngîîrigîrîria gûkua?

Thaburi 9:17

Andû onthe arîa aganu nîmakaathiî kwa arîa akuû, andû onthe arîa mariganagîrwa nî Ngai.

Nthi 12:3

Waganu ndûtûmaga mûndû ekindîrie, nwatî andû arîa athingu mekaraga matakwenyenya.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Mûvunjia 3:21

Nî ûrîkû wicî waro kana vuva wa gûkua mîoyo ya andû îthiîcaga îgûrû nayo ya nyamû îthiîcaga mûtheturî?

Mûvunjia 8:13

Nwatî gûtikethîrwa kûrî kwaro kwa andû arîa aganu. Ûtûûro wao ûkaathira ta kîruru, na magaakua matarî akûrû, nîûndû matiîtigîrîte Ngai.

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”

Isaia 28:18

Vîndî îo kîrîkanîro kîenyu na gîkuû nîgîkaathirua, na ngwatanîro yenyu na kwa arîa akuû îgaatuîka ya mana. Rîrîa mûthiro ûkaavîtûkîrîra kûu nîûkamûthiria.

Isaia 47:10

“Ûtûûraga wîvokete waganu waku; weîraga atî gûtirî mûndû ûrakwona. Ûûgî waku na ûmenyo waku nîguo wakûvîtithirie, na weîraga na ngoro yaku atî: ‘Nie nînie tu na gûtirî wîngî tiga nie.’

1Akor 15:43

Mwîrî ûkîthikwa wîthagîrwa ûrî mûcong'i na ûtarî na vinya; nwatî mwîrî wariûkua ûkethîrwa ûrî na riiri na ûrî na vinya.

2Akor 13:4

Nîûndû wana ethîrwa aambirwe mûtharavarî nîûndû wa ûvûthû wa ûmûndû, ke nîatûûraga mwoyo nîûndû wa ûvoti wa Ngai. Tûrî ûrûmwe na Kristû wa natue tûrî avûthû, nwatî tue wa vamwe namue tûgatûûra mwoyo na Kristû nîûndû wa ûvoti wa Ngai.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.