Mûvunjia 8:6 - ÎVUKU RÎA ÛVORO MWARO

⁶ Kûrî kavinda karîa kagîrîru na njîra îrîa mbagîrîru ya gwîka ûndû, nwatî mûndû arî na ûmenyo mûnini.

Mûvunjia 8:6 ပူးပေါင်းရင်းမြစ်များ

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Ayubu 33:17

Amekaga ûguo nîguo matige kwîvia, na agatûma matigane na mwîtîîo.

Ayubu 33:19

Ngai nîaverithagia mûndû na njîra ya mîrimû, na agatûma mwîrî wake wonthe wîcûrwe nî ruuo.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 3:1

Wa ûndû ûrî kavinda ka guo, na ûndû wonthe twîkaga ûrî kavinda karîa Ngai aûvangîrîte.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 3:17

Nînaîrire na ngoro atîrî, “Ngai agaatuîra andû arîa athingu wana arîa aganu nîûndû nîavangîte mavinda ma ûndû wa wonthe na wîra wonthe.”

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’