Mûvunjia 8:5 - ÎVUKU RÎA ÛVORO MWARO

⁵ Mûndû ûrîa ûvingagia ûrîa mûthamaki athanîte ndangîona ûndû mûcûku, na mûndû mûûgî nîamenyaga kavinda karîa kagîrîru ga gwîka guo.

Mûvunjia 8:5 ပူးပေါင်းရင်းမြစ်များ

1Maû 12:32

Kuuma mûvîrîgarî wa Isakaru kwarî na andû maarî na ûûgî wa kûmenya maûndû marîa magekîka na ûrîa andû a Isiraeli magîrîrwe nî gwîka. Andû acio maarî atongoria magana maîrî (200) vamwe na andû ao arîa maarî rungu rwao.

Thaburi 119:6

Nîngîrûmîrîra maathani maku monthe, ndigaacoka gûconorithua.

Ntha 1:17

Nwatî Sifira na Pua nîmeetigîrîte Ngai na kwoguo nîmaaregire kwathîkîra mûthamaki. Vandû va ûguo nîmaarekire tûvîcî tûtûûre mwoyo.

Nthi 12:21

Andû arîa athingu matinyitagwa nî maûndû macûku, nwatî arîa aganu methagîrwa mecûrîtwe nî mathîna.

Nthi 17:24

Mûndû mûûgî eciragia maûndû na ûûgî, nwatî mûndû kîrimû, eciragia maûndû atarî na mworoto.

Mûvunjia 10:2

Ngoro ya mûndû mûûgî îmûtongoragia gwîka maûndû maro, nwatî ngoro ya mûndû kîrimû nîkwa îmûvîtithagia.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 8:2

Athîkagîra mawatho ma mûthamaki, na nîûndû wa mwîvîtwa waku mûtheru ndûkaûrwe nî vinya.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Luka 20:25

Jesû nîwamerire atîrî, “Kwoguo rutagîrani mûthamaki wa Roma kîndû kîrîa kîthagîrwa kîrî gîake, na mûrutagîre Ngai kîndû kîrîa kîthagîrwa kîrî gîake.”

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

Ciîko 5:29

Nwatî Petero na atûmwa acio engî nîmaamacokerie atîrî, “Tue nwa nginya twathîkîre Ngai vandû va kwathîkîra andû.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Ahib 5:14

Nwatî irio ino nyûmû nî cia andû agima, arîa marutîtwe na njîra ya ciîko gûkûûrana maûndû maro na maûndû macûku.