Mûvunjia 8:16 - ÎVUKU RÎA ÛVORO MWARO

¹⁶ Rîrîa nageririe kûgîa na ûûgî na ngîona maûndû marîa andû mekaga gûkû nthî, nînamenyire atî nwa wîkare ûtamamîte mûthenya na ûtukû.

Mûvunjia 8:16 ပူးပေါင်းရင်းမြစ်များ

Kîam 31:40

Mavinda meengî nanatinda mvîte nî riûa mûthenya, na ûtukû naraaraga ngîrîwa nî mvevo, na ndakwona toro.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Mûvunjia 1:13

Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 1:14

Nîmonete maûndû monthe marîa mekagwa gûkû nthî na ngîona atî monthe nî ma mana nîûndû nîta kûvinyûria rûkûngi.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 2:23

Nîûndû ûtûûro wake wonthe wîcûrîtwe nî mathîna na wîra wake wonthe nî mîtango, wana ûtukû ndavurûkaga. Ûcio nî wîra wa mana.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 5:12

Ndungata nîîmamaga waro ûtukû, wana ethîrwa îrîte irio nyîngî kana nini. Nwatî gîtonga kîrî indo nyîngî na ititûmaga kîona toro.

Mûvunjia 7:25

Nînendire kûmenya na gûtuîria na gûcaria ûûgî na gîtûmi Kîam maûndû, wa vamwe na kûmenya waganu nî ûrimû na ûritu nî ûgûrûki.

Mûvunjia 8:7

Gûtirî mûndû wicî ûrîa gûgeekara vuvarî, na gûtirî mûndû wa kûmwîra.

Mûvunjia 8:9

Nînonire maûndû mau monthe rîrîa neciragia îgûrû rîgiî maûndû monthe marîa mekagwa gûkû nthî. Andû amwe methagîrwa marî na ûvoti na engî mavinyagîrîrua marî rungu rwao.