Mûvunjia 8:14 - ÎVUKU RÎA ÛVORO MWARO

¹⁴ Kûrî ûndû wa mana wîkîkaga gûkû nthî. Andû arîa athingu nîmekagwa maûndû marîa magîrîrwe gwîkwa andû arîa aganu, nao andû arîa aganu mageekwa maûndû marîa magîrîrwe gwîkwa andû arîa athingu. Ûcio wanaguo nî ûndû wa mana.

Mûvunjia 8:14 ပူးပေါင်းရင်းမြစ်များ

Ayubu 1:22

Maûndûrî mama monthe Ayubu ndevia na ndaaruta Ngai mavîtia.

Ayubu 21:7

Andû arîa aganu matûûraga mwoyo nîkî? Nîndûî gîtûmaga matûûre mîaka mîîngî na marî na vinya?

Ayubu 27:12

Nwatî gûtirî ûndû mûtonete! Nîndûî vi kîratûma mwarie tûkûtûkû?

Thaburi 73:3

nîûndû nînegucagîra andû arîa etîi wîru, rîrîa nonire atî andû arîa aganu nwa maûndû maro monaga.

Mûvunjia 10:5

Kûrî na ûndû mûcûku menyete gûkû nthî. Naguo wîkagwa nî anene.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 7:15

Ûtûûrorî wakwa mûnini nîmonete maûndû monthe. Mûndû mûthingu nîakucaga wana ethîrwa nî mûthigu, na kûrî mûndû mwaganu ûtûûraga kavinda karaca wana ethîrwa nî mwaganu.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Malaki 3:15

Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”