Mûvunjia 8:12 - ÎVUKU RÎA ÛVORO MWARO

¹² Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Mûvunjia 8:12 ပူးပေါင်းရင်းမြစ်များ

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

1Maû 16:30

Andû onthe a nthî nîmainaine marî mbere yake! Aigîte nthî vandû vekindîru na ndînginaina.

Ayubu 35:15

Rîu, nîûndû Ngai arakara ndaverithanagia wana ndarûmbûyanagia na mavîtia ma andû;

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Thaburi 115:13

Nîakaarathima arîa mamwîtigagîra, arîa anini na arîa anene.

Thaburi 128:2

Makaarîcaga maciaro ma wîra wa njara ciao; nîmagaakena na mathatûkwe nîguo.

Thaburi 37:11

Nwatî andû arîa avooreri nîo makeegwatîra nthî, na makenagîre ûtûûro mwaro na thayû.

Thaburi 96:9

Goocani Ngai-Mûnene arî hekarûrî yake ntheru; mûgooceni na gîtîîo mue andû onthe a nthî!

Ntha 1:20

Kwoguo Ngai nîwekire aka acio mateethagîrîria arîa engî gûciara maûndû maro, nao andû a Isiraeli nîmaathiîre na mbere kwongereraka na kûgîa vinya.

Nthi 13:21

Mathîna marûmanagîrîra na mwîvia kûndû kuonthe, nwatî andû arîa athingu nîmakaarîvwa na maûndû maro.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 3:14

Nîmbicî atî maûndû monthe marîa Ngai ekaga matûûraga tene na tene. Gûtirî kîndû kîngîongererwa kana kîrutarutwe kuuma kûrî maûndû mau. Ngai atûmîte maûndû mau mekare ûguo nîguo andû mamûtîîaga.

Mûvunjia 5:16

Kûrî ûndû wîngî mûcûku mûno. Mûndû agaacoka wa ûrîa aaûkire. Mûndû arutaga wîra na vinya agîcaria indo, nwatî kûu nîta kûvinyûrania na rûkûngi.

Mûvunjia 5:7

Wana ethîrwa ûrî na iroto nyîngî na ûrute mawîra meengî ma mana na warie ciugo nyîngî, ûndû ûrîa mwagîrîru nî gûtîîa Ngai.

Mûvunjia 7:15

Ûtûûrorî wakwa mûnini nîmonete maûndû monthe. Mûndû mûthingu nîakucaga wana ethîrwa nî mûthigu, na kûrî mûndû mwaganu ûtûûraga kavinda karaca wana ethîrwa nî mwaganu.

Mûvunjia 7:18

Nî waro mûno kûûrîra mwena wa wonthe wa mîena îo yoîrî. Mûndû ûtîîte Ngai nî akaavootana.

Jeremia 44:10

Nginya ûmûnthî mûtianenyivia kana mwîndigîra wana mûrûmîrîra watho wakwa na maathani makwa marîa namûveere na ngîva methe menyu.”

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Luka 1:50

nacio ntha ciake nî ikinyagîra arîa onthe mamûtîîte, kuuma rûciaro rûmwe nginya rûrîa rwîngî.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Aroma 9:22

Ûguo nwa guo Ngai ekîte. Endaga kwonania marakara make na gûtûma vinya wake ûmenyeke. Kwoguo eekarire akirîrîrîtie mûno andû arîa maarî makinyîrwe nî marakara make, na magîrîrwe nî gûcûkangua viû.

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.