Mûvunjia 8:11 - ÎVUKU RÎA ÛVORO MWARO

¹¹ Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Mûvunjia 8:11 ပူးပေါင်းရင်းမြစ်များ

2Sam 11:15

Maarûarî îo, aandîkire atîrî, “Iga Uria mbere varîa mbaara îmatîrîte mûno, namue mûkînacoka mûmûtige aûragwe.”

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 10:6

Meîraga na ngoro atîrî, “Ndingîenyenya, ndikona thîna ûtûûrorî wakwa wonthe.”

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Ntha 8:15

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ntha 8:32

Nwatî mûthamaki wa Misiri nîwaûmirie ngoro. Îvinda rîu wa narîo nîwaregire gwîtîkîria andû a Isiraeli mathiî.

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Isaia 26:10

Nwatî wana mûndû mwaganu angîguîrwa ntha, nderutaga gwîka maûndû ma ûthingu; wana rîrîa arî vûrûrirî wa andû arîa athingu, nwa ekaga maûndû ma waganu; na ndakenagua nî ûnene wa Ngai-Mûnene.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Jeremia 42:15

kwoguo, ta thikîrîriani mue arîa mwatigirwe Juda ûrîa Ngai-Mûnene mwene vinya wonthe, Ngai wa Isiraeli arauga: Ethîrwa nîmûtuîte kûthiî gûtûûra Misiri,

Jeremia 48:11

“Moabu atûûraga na thayû kuuma arî mûnini, akirîrîtie ta ndivei îtarî ngerûre, ndivei îtanonoranua kuuma mûtûngirî ûmwe kûthiî wîngî. Moabu ndanavirwa îthamîriorî, kwoguo ndanathira mûcamo wake, na atûûraga anungaga waro.