Mûvunjia 8:10 - ÎVUKU RÎA ÛVORO MWARO

¹⁰ Nînacokire ngîona andû arîa aganu makîthikwa. Nao nîmaatonyaga na makauma vandû varîa vatheru, na nîmaakumagua matûûrarî marîa meekaga maûndû ma waganu. Ûcio wanaguo nî wîra wa mana.

Mûvunjia 8:10 ပူးပေါင်းရင်းမြစ်များ

Ayubu 21:18

Mekariî ta macaki marîa magûrûkagua nî rûkûngi, kana ta makoro marîa magûrûkagua nî rûkûngi rûnene.

Thaburi 31:12

Andû onthe mariganîrîtwe nînie takwa nîrî mûkuû, mbîkariî ta nyûngû nguû.

Nthi 10:7

Andû nîmakenaga makîririkana mûndû ûrîa ûkuîte arî mûthingu, nwatî mûndû ûrîa mûcûku akua nîariganagîra.

Mûvunjia 1:11

Gûtirî mûndû ûririkanaga maûndû marîa meekîkire tene, kana ûkaaririkana maûndû marîa mageekîka vuvarî.

Mûvunjia 2:16

Nîûndû gûtirî mûndû ûririkanaga mûndû mûûgî kana kîrimû. Vuvarî tuonthe mûndû mûûgî wana kîrimû nîtûgaakua na tûriganîre.

Mûvunjia 9:15

Gatûûrarî kau kwarî na mûndûmûrûme ûmwe mûûgî na warî mûthîni na watûmire gatûûra kau kavonoke na njîra ya ûûgî wake. Nwatî gûtirî mûndû wacokire kûririkana mûndû ûcio mûthîni.

Mûvunjia 9:5

Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Ciîko 6:13

Nîmaacokire makîrete aira a maveeni arîa maaugire atîrî, “Mûndû ûyû ndatigaga kwaria ciugo cia kûmenereria hekarû yetû ntheru wana Watho wa Musa.

Ahib 10:38

Mûndû wa wonthe mûthingu nîagaatûûra mwoyo nîûndû wa gwîtîkia, nwatî ethîrwa nwa acoke na vuva ndingîkenua nîke.”