Mûvunjia 7:26 - ÎVUKU RÎA ÛVORO MWARO

²⁶ Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

Mûvunjia 7:26 ပူးပေါင်းရင်းမြစ်များ

Kîam 19:35

Kwoguo ûtukû ûcio erîtu acio nîmaavere îthe ndivei na mwarî ûcio mûnini nîwamenyanire kîîmwîrî na îthe. Wanarîo vîndî îo îthe aarî mûrîe mûno nî ndivei na ndaamenya ûrîa gwekîkire.

Kîam 39:9

Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

Ntha 10:7

Nao anene a mûthamaki nîmaamûririe atîrî, “Mûndû ûyû nî athiî na mbere gûtûthînia nginya rî? Tiga andû a Isiraeli mathiî, nîguo makagooce Ngai-Mûnene, Ngai wao. Anga ndûrona ûrîa Misiri îcûkangîtue?”

Nthi 2:16

Ûmenyo ûgaakûvonokia kuuma kûrî mûndûmûka mûmaraa, na kuuma kûrî ciugo ciake cia gûkûgucîrîria,

Nthi 22:14

Ciugo cia mûndûmûka kîmaramari nî ta îrima îrikîru, rîgûcaga mûndûmûrûme ûrîa ûrakarîtie Ngai-Mûnene.

Nthi 6:23

Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Nthi 6:24

Kîrîra kîu gîgaakûgitagîra kuuma kûrî aka arîa acûku, na kuuma kûrî mîario mînyoroku ya mûndûmûka wene.

Nthi 9:18

Nwatî andû arîa mathiîcaga gwake nyomba matimenyaga atî mathiîcaga kwa arîa akuû, arîa onthe matonyete gwake nyomba marî kwa arîa akuû.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Mûvunjia 7:27

Maûndû mama nîrakwîra nie mûvunjia nîmo namenyire rîrîa naatuîragia ûvoro kavora kavora.